За час учорашняга снегападу ў Гродне на дарогі было высыпана каля 320 тон пяскасалянай сумесі, выдаткавана каля 28 тон галіту. У першую чаргу ўвага надавалася пад’ездам да бальніцаў, дзіцячых садоў, школаў і іншых сацыяльных аб’ектаў, а таксама маршрутаў следавання гарадскіх аўтобусаў, паведамляе «Гродна Плюс».
— Прыступілі да працы 37 адзінак тэхнікі. Першачарговай задачай з’яўляецца забеспячэнне руху грамадскага транспарту. Для звесткі, прадпрыемства абслугоўвае 507 вуліц, што складае 912 кіламетраў, — кажа Яўген Чуйкоў, намеснік дырэктара прадпрыемства «Спецаўташаспадарка».
Сёння ў Гродне ў суправаджэнні супрацоўнікаў ДАІ працуе тры калоны камунальнай тэхнікі, 150 прыбіральшчыкаў тэрыторыі наводзяць парадак на прыпынках грамадскага транспарту і пешаходных пераходах.
Затораў ўдалося пазбегнуць. Расчысціць вуліцы можна было б і лепей, кажуць кіроўцы спецтэхнікі, але працы перашкаджалі машыны, бяздумна кінутыя на гарадскіх вуліцах. Гарадскія службы звяртаюцца да гродзенцаў і просяць не заставацца ў баку і праявіць ініцыятыву па ўборцы ад снегу сваіх двароў, а гэтак жа не пакідаць аўтамабілі на ноч ўздоўж галоўных гарадскіх магістраляў. Акрамя таго, нагадаем, што заканадаўча рашэннем Гродзенскага гарвыканкама ад 30 лістапада 2017 за ўладальнікамі аўтамабіляў у Гродне замацаваная самастойная прыборка месцаў для стаянкі аўтатранспарту.
На 15% скарацілася колькасць супрацоўнікаў Гродзенскага мясакамбіната за дзевяць месяцаў 2024 года. На 1 студзеня…
Бізнэсоўца Станіслава Буйніцкага абвінавачваюць ва ўхіленні ад выплаты падаткаў у значнай суме. ТАА "Форт", у…
Працягваецца рэканструкцыя падвеснага моста ў Мастах. На апорах ужо нацягнутыя ліны агульнай масай 40 тон…
У вёсцы Навасёлкі прадаюць дом проста на беразе Гродзенскага вадасховішча, з відам на Нёман. Ён…
Першая вядомая назва нашага горада - "Городенъ". Менавіта так яго называлі яшчэ ў XII стагоддзі,…
Буйны агрэгатар перавозчыкаў "Атлас" абвясціў пра зніжэнне коштаў на квіткі: да канца лютага можна дабрацца…