Пажылая гродзенка пералічыла 3 000 даляраў, каб вырашыць праблемы сына. Аказалася, замест яго тэлефанавалі махляры

28 снежня 86-гадовай гродзенцы на гарадскі тэлефон патэлефанаваў невядомы, прадставіўся сынам, а таксама распавёў, што трапіў у непрыемную сітуацыю і яму патрэбныя грошы. Жанчына выслухала гісторыю «сына», а затым той перадаў трубку супрацоўніку праваахоўных органаў. «Прадстаўнік закона» распавёў, што дадзены інцыдэнт можна ўладзіць за 6000 $, аднак пенсіянерка паведаміла, што ў яе няма такіх грошай.

Аказалася, што сын у непрыемныя сітуацыі не трапляў

Чалавек на іншым канцы провада сказаў рэквізіты банка, куды неабходна перавесці грошы, а таксама нумар тэлефона, па якім трэба патэлефанаваць пасля грашовага пераводу. Нумар зарэгістраваны на тэрыторыі Літвы. Спалоханая пенсіянерка адправілася ў банк, перавяла 3000 $ на ўказаны рахунак.

Аказалася, што сын знаходзіцца ў Беларусі і ні ў якія непрыемныя сітуацыі ён не трапляў. Пенсіянерка стала ахвярай махляроў. Пасля таго, як падман быў раскрыты, жанчына звярнулася ў праваахоўныя органы.

Падобныя інцыдэнты былі ў мінулым годзе, а таксама ў 2017

У такіх выпадках УУС Гродзенскага аблвыканкама рэкамендуе патэлефанаваць сваім знаёмым і сваякам, каб даведацца дакладную інфармацыю. У такіх выпадках ашуканцы выбіраюць састарэлых людзей, бо іх прасцей ўвесці ў зман. Таму папярэдзьце сваіх пажылых сваякоў аб тым, як паводзіць сябе, калі паступіць падобны званок.

Распачата крымінальная справа

Па дадзеным факце ўзбуджаная крымінальная справа па ч.3 арт. 209 КК РБ — «Махлярства». Супрацоўнікі міліцыі праводзяць аператыўна-вышуковыя мерапрыемствы, накіраваныя на ўсталяванне асобы падазраванага.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025