Міністэрства аховы здароўя Беларусі абнавіла пералік захворванняў і супрацьпаказанняў, пры якіх нельга кіраваць аўтамабілем: цяпер цяжарныя могуць сядаць за стырно і пасля 30-га тыдня, паведамляе БелТА.
Паводле пастановы Мінздароўя ад 6 снежня 2018 года №88 пасля 12 тыдняў цяжарнасці ўсё ж нельга сядаць за стырно транспартных сродкаў катэгорый “C”, “D”, “CE”, “DE”, “F”, “I”, а таксама трактароў катэгорый “A”, “B”, “C”, “D”, “E”, “F”. У дачыненні цяжарных кабет, якія маюць пасведчанне кіроўцы катэгорыі “В”, зняты абмежаванні на кіраванне легкавога аўтамабіля.
Забаронена кіраваць механічнымі транспартнымі сродкамі пры ўстойлівай дыплапіі любой этыялогіі; дэфектах костак чэрапа (12 кв. см і больш) без аператыўнай пластыкі дэфекту; хранічнай сэрцавай недастатковасць H IIБ і H III па класіфікацыі Стражэска-Васіленкі; сіндроме слабасці сінусавага вузла, сіндроме брадытахікардыі; хваробах органаў дыхання з дыхальнай недастатковасцю III ступені; злаякасных наватворах 4-й клінічнай групы і інш. Новая пастанова набывае моц праз 15 дзён пасля яе афіцыйнага апублікавання.
