«Святло, якое яднае». У Гродна прыбыў Бэтлеемскі агонь

Бэтлеемскі агонь міру даставілі 21 снежня харцэры з польска-беларускай мяжы. Менавіта з Гродна пачалася штогадовая скаўцкая эстафета Бэтлеемскага агню па гарадах і мястэчках Беларусі, піша grodnensis.by.

У катэдральным касцёле св. Францішка Ксаверыя ўрачыста прывітаў агонь дапаможны біскуп Гродзенскай дыяцэзіі Юзаф Станеўскі.

«Мы прыносім ліхтарыкі, каб запаліцца святлом Пана. Просім Езуса, які неўзабаве прыйдзе ў гэты свет, каб у нашых сэрцах разгарэлася полымя любові», — звярнуўся іерарх да вернікаў, якія прыбылі, каб узяць агонь у свае дамы на вігілійны стол.

Бэтлеемскі агонь з’яўляецца сімвалам Раства, радасці і надзеі, а таксама адлюстраваннем евангельскага святла.

Сёлетняя акцыя праходзіць пад назвай «Святло, якое яднае». Праз гэта арганізатары акцыі звярнулі ўвагу на тое, што аб’ядноўвае нас, што для нас агульнае, і падкрэслілі, што трэба цешыцца тым, што з’яўляецца супольным дабром, а потым шукаць шляху да поўнай еднасці, да паразумення ў справах, дзе мы адрозніваемся.

У Беларусь Бэтлеемскі агонь прыбыў ужо ў 19-ы раз. Яго далейшы шлях будзе пралягаць не толькі праз святыні нашай краіны, але наведае шпіталі, хоспісы, састарэлых, самотных і пакінутых людзей.

Акцыя Бэтлеемскага святла міру бярэ пачатак у Аўстрыі ў 1986 г. Агонь перадаецца з рук у рукі з Бэтлеема. У гроце Нараджэння Пана гарыць вечны агонь. Менавіта ад яго штогод запальваецца лампада, полымя якой, што нясуць скаўты праз краіны і кантыненты, абыходзіць свет.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025