Гродзенская пракуратура перадала у суд крымінальную справу 31-гадовай дырэктаркі турфірмы пра растрату грошай.
У красавіку гэтага года абвінавачаная зарэгістравала камерцыйную арганізацыю для аказання турыстычных паслуг.
З 15 траўня па 2 жніўня 2018 года яна атрымала ад кліентаў больш за 39 тыс. рублёў. Замест таго, каб разлічыцца з турагенцтвам і аператарам за аказанне паслуг, абвінавачаная прайграла грошы ў букмекерскіх канторах. 15 кліентаў турфірмы не змаглі паехаць на адпачынак. Прынесеная ім матэрыяльная і маральная шкода дагэтуль не пакрытая.
Апроч таго, кабета падрабіла даведку пра прыбыткі і прадставіла яе ў «Вэлком», каб купіць мабільны тэлефон у растэрміноўку, а таксама падманам завалодала грашамі сваёй знаёмай і прычыніла шкоду юрыдычнай асобе.
Гродзенку вінавацяць у растраце грашовых сродкаў у асабліва буйным памеры, падробцы афіцыйных дакументаў і прычыненні маёмаснай шкоды без прыкмет крадзяжу.
Падчас папярэдняга следства пацярпелыя падалі да абвінавачанай пазовы пра пакрыццё прынесенай ім шкоды, якія суд разгледзіць у рамках крымінальнага працэсу. Пакуль кабета застаецца пад вартай.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…