У чарговым матчы чэмпіянату Беларусі «Юнацтва» ў Мінску 9 снежня абыграла «Нёман» з лікам 6:3. Перамогу сталічнай камандзе прынеслі былыя гульцы гродзенцаў, якія сёння выступаюць за мiнчан.
«Юнацтва» — «Нёман» 6: 3 (2:0, 2:1, 2:2)
галы:
04:24 1: 0 — Жыдкіх (Развадоўскі, Стэфановіч)
19:39 2: 0 — Кулакоў (бол.)
28:28 3: 0 — Парфеявец (Дрозд, Пратасеня, — бол.)
35:29 4: 0 — Развадоўскі (Жыдкіх, Стэфановіч)
38:24 4: 1 — А. Маляўка (С. Маляўка, Баярчук, — бол.)
41:17 4: 2 — Баярчук (Грышанаў, С. Маляўка)
43:07 5: 2 — Гайнетдзiнаў (Грынь, К. Брыкун)
50:04 5: 3 — Елісеенка (Папоў)
52:50 6: 3 — Стэфановіч (Развадоўскі, Багалейша, — бол.)
Галоўны трэнер «Нёмана» Сяргей Пушкоў пасля матчу:
— Я думаю, што такі хакей не можа не падабацца. Мне вельмі спадабаўся. Сёння каманды даволі-такі хутка гулялі, шмат момантаў стваралі. Думаю, што ў першым перыядзе спрацавала правіла «Калі не забіваеш ты, забіваюць табе», таму што першыя два галы, якія «Юнацтва» забіла, будаваліся на контратаках. Ну і потым няўдала другі перыяд правялі, яшчэ атрымалі галы заслужаныя, дзесьці дысцыпліна пацярпела. У трэцім перыядзе мы спрабавалі вярнуцца, забілі гол, але зноў пропуск, і, у прынцыпе, пяты гол паставіў усё на свае месцы, хоць імкнуліся да апошняга. Было некалькі момантаў, каб у пустыя забіць, але «Юнацтва» пажывей была. Нас не хапіла фізічна. Суперніка з перамогай.
Дзякуючы перемоге над гродзенцамі, «Юнацтва» ўмацавала сваё лідэрства ў турнірнай табліцы, «Нёман» жа па ранейшаму ідзе на трэцім месцы.
Свой наступны матч «Нёман» правядзе ў Гродне 18 снежня і будзе прымаць зборную «U-20».