«ВелаГродна» запрашае не прапусціць магчымасць навучыцца ездзіць на ровары да прыходу вясны. «Велашкола для пачаткоўцаў» з лістапада пераехала пад дах ЦСК «Нёман». Дзякуючы гэтаму бясплатнае навучанне яздзе на ровары працягваецца і пры мінусовай тэмпературы.
— Наша школа дадасць упэўненасці ў сабе. З’явяцца новыя навыкі, вера ў свае сілы і магчымасці. У пачатку занятку часта чую: «я не змагу», «я не ўмею». Але вось праходзіць 40 хвілін заняткаў - і вучань, пераадолеўшы ўсе свае страхі, з задавальненнем круціць педалі, — кажа Юлія Каляда, кіраўнік ВелаГродна і каардынатар ініцыятывы.
У школе вы «прапампуеце» фізічныя ўменні: трымаць раўнавагу, манеўраваць ў адносна маленькім прасторы, патрэніруеце вестыбюлярны апарат і каардынацыю рухаў, пазнаёміцеся з правіламі руху для веласіпедыстаў, даведаецеся, як правільна праводзіць тэхнічнае абслугоўванне ровара. Затым ровар можа стаць любімым відам перамяшчэння, спосабам убачыць новыя месцы, пазнаёміцца з аднадумцамі-аматарамі здаровага ладу жыцця ці нават першым крокам для дасягнення спартыўных мэтаў.
У школе навучылі больш за 50 чалавек, самаму малодшаму вучню — 2 гады, старэйшаму — 60. Заняткі праводзіць Юліта Дзям’янавіч — энтузіяст веларуху, удзельніца ВелаГродна. Юліта валодае ўсімі патрэбнымі для інструктара якасцямі: высокім прафесіяналізмам, жаданнем дзяліцца сваімі ведамі і здольнасцю знайсці падыход да вучняў незалежна ад узросту і фізічнай падрыхтоўкі.
Курс для пачаткоўцаў «Велашкола» з’яўляецца важнай часткай ініцыятывы «У каманднай гонцы да агульнай мэты». Ініцыятыва рэалізуецца ВелаГродна ў рамках праекта міжнароднай тэхнічнай дапамогі «Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь» («БЕЛМЕД»), што фінансуецца Еўрапейскім Саюзам і рэалізуецца ПРААН, СААЗ, ЮНІСЕФ і ЮНФПА ў партнёрстве з Міністэрствам аховы здароўя рэспублікі Беларусь.
Дзякуючы фінансавай падтрымцы праекта БЕЛМЕД ООВ «ВелаГродна» былі закуплены новыя сучасныя ровары. З’явілася магчымасць праводзіць навучанне на мужчынскіх, жаночых, спартыўных, гарадскіх роварах. Усе ровары абсталяваны неабходнымі велааксэсуарамі (ліхтары, званкі, шлемы, помпы). Таксама набыты бегавел, на якім малыя ад 2-х да 4 гадоў могуць навучыцца трымаць раўнавагу і «маляваць» фігуры.
У зімовы перыяд заняткі праходзяць па адрасе: у.Коммунальная, 3, будынак ЦСК «Нёман».
Расклад заняткаў:
Чацвер 17: 00−18: 00 і 18: 00−19: 00
Субота 14: 00−15: 00 і 15: 00−16: 00
Навучанне бясплатнае.
Для ўдзелу неабходна папярэдне запісацца па тэлефоне: 8 033 600 02 30 або запоўніць форму заяўкі. Больш інфармацыі на сайце www.velogrodno.by і ў суполцы ў сацсетках.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…