«Мова Нанова» разам з турыстычным агенцтвам «My Travel» распачынае праект «Таемны Зюзя». Гродзенцы, якія далучацца, будуць называцца Зюзікамі, і ўсляпую абмяняюцца навагоднімі і каляднымі падарункамі.
Ад Вас патрабуецца падрыхтаваць падарунак і перадаць яго ў маёнтак Зюзі, што знаходзіцца па адрасе: г. Гродна, вул. Карла Маркса, 31/121 (офіс турагенства «My Travel»).
Можна падрыхтаваць дадатковы падарунак, які будзе перададзены дзеткам з Панямунскага дзіцячага дома. Узрост дзяцей ад 3 да 18 год. Гэта могуць быць цацкі або больш практычныя рэчы (пальчаткі, тапачкі, касметычныя сродкі і г. д.).
Пасля таго, як у маёнтку будуць усе падарункі, пачнецца самае цікавае: Зюзя будзе раздорваць іх усім удзельнікам.
Для зручнасці праект падзяляецца на этапы. Першы этап: з 3 па 15 снежня — рэгістрацыя Зюзікаў. Другі этап: з 16 па 22 снежня — перадача падарункаў у маёнтак Зюзі. І трэці - з 26 па 30 снежня — дастаўка і атрыманне падарункаў. Падрабязную інструкцыю чытайце у Фэйсбуку або Укантакце.
*падарунак павінен каштаваць не менш чым 15 беларускіх рублёў. Скажам, каб не было камусьці крыўдна атрымаць шакаладку ў адказ на падораны Айфон. Калі ў падарунак укладзена асабістая праца, і вы не можаце аб’ектыўна ацаніць кошт, то парайцеся з сябрамі.
*падарунак павінен быць запакаваны ў непразрыстую паперу.
*на асноўным падарунку павінен быць указаны нумар, які вы атрымалі пры рэгістрацыі.
**калі вы падрыхтавалі і дадатковы падарунак па лісце да Зюзі, то на ім укажыце «Зюзіку №__» і нумар таго, каму прызначаецца падарунак (кошт гэтага падарунка не мае значэння). Тут можна ўказаць і ад каго падарунак.
*забараняецца перадаваць падарункі, якія вам не спатрэбіліся, альбо рэчы, якія ўжо былі ў карыстанні (б/у). Ну, калі вы, канечне, не ўпэўнены, што гэта супер патрэбны і карысны падарунак.
*рыхтуйце падарункі ўнісэкс, каб, часам, дзяўчыне не трапіўся чыста мужчынскі падарунак, а хлопцу — жаночы.
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…