У Гродне супрацоўнікі МНС і ДКСЭ адкрылі фірму на сваякоў і дапамагалі ёй выйграваць тэндары

Суд Кастрычніцкага раёна Гродна абвясціў прысуды супрацоўнікам МНС і ДКСЭ, якія займалі высокія пасады. Суд вызначыў, што абвінавачаныя некалькі гадоў карысталіся сваім службовым становішчам і нанеслі дзяржаве шкоду ў дзясяткі тысяч рублёў.

Паводле інфармацыі тэлеканала «Гродна Плюс», адзін з абвінавачаных прысуджаны да 6 гадоў калоніі ўзмоцненага рэжыму з канфіскацыяй маёмасці. Апроч таго, ён павінны будзе заплаціць штраф амаль у 10 000 рублёў. Другі абвінавачаны атрымаў пяць гадоў пазбаўлення волі.

Абвінавачаныя праз сваіх сваякоў арганізавалі фірму, што спецыялізавалася на выпрабаваннях пажарных лесвіц і агароджаў. Фактычна яна займалася тым жа самым, што і навукова-практычны цэнтр упраўлення МНС па Гарадзенскай вобласці. Яго дырэктарам быў адзін з фігурантаў справы.

Скарыстаючы сваё службовае становішча, ён перадаваў звесткі пра заказы на правядзенне выпрабаванняў у сваю фірму, а не ў цэнтр. Такім чынам, выпрабаванні праводзіла камерцыйная структура. Аплата за іх паступала на прыватны рахунак, а не ў дзяржбюджэт, і пазней пераводзілася ў гатоўку.

Другі факт махлярства абвінавачаных звязаны з аналагічнымі «выпрабаваннямі» на Мазырскім нафтаперапрацоўчым заводзе. Прыватная фірма абвінавачаных выйграла тэндар на правядзенне працаў, якія, аднак, ніхто не праводзіў. Аплату за іх фірма атрымала, і, як у папярэднім выпадку, грошы былі абнаяўлены. Заводу нанеслі шкоду ў памеры звыш 190 млн. недэнамінаваных рублёў.

Падзяліцца

Апошнія запісы

Нерухомасць тыдня: на Дзевятоўцы прадаюць кватэру з чарапашкамі-ніндзя і аб’ёмнай картай свету на сцяне

На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…

4 красавіка 2025

Лакацыі паводле фільмаў пра вайну, парад і ўзяцце Тэкстыльшчыкаў замест Рэйхстага. Што плануюць у Гродне на 9 траўня?

У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…

4 красавіка 2025

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025