Рыхтаваць Гродна да Новага года і ўсталёўваць ёлкі на цэнтральных плошчах пачнуць на гэтым тыдні. Як зменіцца горад да навагодніх святаў і якія неспадзеўкі рыхтуюць для гарадзенцаў, піша Sputnik.by.
У ёлкі на плошчы Леніна абновіцца дэкор. Паводле слоў дырэктара гродзенскага УКПП «Горсвет» Алега Дабравольскага, для яе закупяць шары аднаго колеру, а ля падножжа ўсталююць канструкцыю, упрыгожаную беларускім арнаментам. Зорнае неба з прамянямі, што зыходзяць ад ёлкі, захаваецца.
Усяго ж у Гродне да навагодніх святаў усталююць 11 ёлак у розных мікрараёнах горада.
Гэтай зімой шматкаляровымі агеньчыкамі ўпрыгожаць ратонду на агляднай пляцоўцы па вуліцы Дарвіна. Яе будзе добра бачна з цэнтральнай часткі горада.
У Горсвете абяцаюць, што цяперашняй зімой Гродна стане яшчэ ярчэйшым. Калі летась на святочнае асвятленне горада пайшло 13 кіламетраў святлівых гірляндаў, то сёлета — ужо 16 кіламетраў.
Усяго ў сёлета плануюць усталяваць 36 новых фігур у форме ёлачных шароў, пірамід, анёлаў і іншых навагодніх атрыбутаў. На прадпрыемстве пакуль не паказваюць іх фота, каб зрабіць гродзенцам неспадзеўку.
У парку Жылібера будуць дзіва-дрэвы, упрыгожаныя сотнямі агеньчыкаў, святлівыя фігуры, святладынамічны фантан і шмат што іншае. У Горсвете расказалі, што падобны светлавы фантан зараз з’явіцца і на Савецкай плошчы.
Аўтамабільныя кольцы ўпрыгожаць канструкцыямі ў форме ялінак. Асобную ўвагу пры ўсталёўцы святочнага асвятлення нададуць мікрараёну Альшанка, у якім жыве шмат дзяцей школьнага веку. Адмыслова для іх пляцоўку каля цэнтральнай ёлкі раёна ўпрыгожаць святлівымі дрэвамі.
Мантаж святочных гірляндаў і навагодняга асвятлення плануюць завяршыць да 13 снежня, напярэдадні парада Дзедаў Марозаў, падчас якога запаляць галоўную ёлку і ўключаць усе святочныя агні ў Гродне. Чакаецца, што ў цяперашнім годзе парад Марозаў пройдзе 15 снежня.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…