Каля 20 аўтамабіляў таксі з’ехалася ўвечары 12 лістапада на вуліцу Каліноўскага па просьбе аднаго з кіроўцаў, у якога паўсталі праблемы з кліентам. Пасажыр таксі адмовіўся плаціць за паездку і стаў абражаць кіроўцу.
У гродзенскіх таксістаў ёсць спецыяльны сігнал на канале на выпадак канфліктных сітуацый. Пасля аб’яўлення яго ў эфіры ўсе вольныя машыны з’язджаюцца на дапамогу калегу. Прыкладна ў 20:40 на вуліцу Каліноўскага з’ехалася каля 20 аўтамабіляў таксі розных службаў горада. Яны прыехалі за 10 хвілін.
«Гэта салідарнасць называецца, — распавядае кіроўца таксі, які апынуўся ў непрыемнай сітуацыі. — Кліента я падабраў на Урублеўскага,
ён папрасіў завезці яго на Каліноўскага. Ён сказаў, што можна праз двары ехаць, я і паехаў. А далей адбылася непрыемная сітуацыя: ён пачаў мяне абражаць. Мне надакучыла гэта слухаць і я спыніўся. Прапанаваў яму выйсці і пры гэтым агучыў мінімальную цану за паездку — 3 рублі. Пасажыр выйшаў і не заплаціў. Пасля гэтага ён пачаў крычаць, што ён маёр і біць у шкло. Я заблакаваў дзверы, паведаміў аб праблеме таксістам і выклікаў міліцыю. Гэтага чалавека трэба правучыць».
Пасажырам таксі апынуўся мужчына сярэдняга ўзросту, у мінулым вайсковец. Ён сцвярджае, што першым выклікаў міліцыю.
«Я ведаю, што я маю рацыю, і рукі ў гэтай сітуацыі не распускаў, — распавядае пасажыр. — Кіроўца мяне кудысьці прывёз і сказаў выходзіць. Пакуль я выйшаў, ён дзверы заблакаваў. Вядома, я пачаў крычаць і стукаць у шкло, каб ён пачакаў. А так я яго не чапаў, бо калі б я ўдарыў - ён бы паляцеў. Навошта мне чапаць кіроўцу, у мяне юрыдычная адукацыя, у мінулым у мяне Карабах. Таму не магу крыўдзіць дзяцей. Я выклікаў міліцыю першым, а таксісты з’ехаліся, таму што ў іх братэрства».
Супрацоўнікі ДАІ і міліцыі на разборкі пасажыра і таксіста прыехалі апошнімі. Удзельнікі канфлікту ад сваіх слоў не адмаўляліся і гатовыя былі абараняцца. У выніку пасажыр заплаціў за праезд, а кіроўца настойваў на тым, каб яго пакаралі.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…