Кулі, манеты і бутэлькі: што знаходзяць археолагі на будпляцоўцы літоўскага консульства ў Гродне

Археолагі ўсё ж з’явіліся на пляцоўцы на вуліцы Васілька, дзе да 2020 года будаўнікі павінны ўзвесці новы будынак генконсульства Літвы ў Гродне. З пачатку лістапада там працуюць спецыялісты з Акадэміі навук. Ёсць і першыя знаходкі.

Навошта патрэбны нагляд?

У канцы кастрычніка падчас працаў на будпляцоўцы не было заўважана археолагаў, пры гэтым працаваў экскаватар. Ён адкапаў недаследаваныя падвалы. Паводле заканадаўства Беларусі любыя земляныя работы ў зоне аховы культурнага пласта павінны суправаджацца наглядам археолага. Цэнтр Гродна — якраз такое месца. Нагляд патрэбен, каб пры выяўленні чагосьці каштоўнага прыпыніць працы ды праводзіць раскопкі.

Што знайшлі?

«Мы працуем тут з мінулага тыдня, — распавядае археолаг Андрэй Вайцяховіч. — Падвалы, якія выявілі, гэта, хутчэй за ўсё, нешта пасляваеннае, бо ёсць савецкая цэгла. У катлаванах шмат бутэлек трапляецца, кулі рознага перыяду, манеты савецкія і іншыя. З каштоўных знаходак: манеты польскія і шведскія 17−18 стст, гузікі, а таксама спражка таго ж перыяду. Знаходак хапае, будзем вывучаць, а ў будучыні ўсё перадамо ў Гродзенскі гісторыка-археалагічны музей».

Спражка, гузікі і манеты. Некаторыя знаходкі, на думку археолага, адносяцца да 16−17 стст.

У катлаванах археолагам трапляецца шмат бутэлек. Частка з іх савецкага перыяду, але ёсць і больш раннія

Што раней было на гэтым месцы?

Нагляд на будпляцоўцы будзе праводзіцца яшчэ каля двух тыдняў. Нагадаем, на месцы велізарнай пусткі да 2007 года стаяў помнік прамысловай архітэктуры, якіх у Гродне практычна не засталося. Гэта быў паравы млын Ашэра Касоўскага, пабудаваны ў канцы XIX стагоддзя. Нягледзячы на ​​пратэсты актыўных гараджан, будынак млына знеслі летам 2007 года, хоць былі задумкі размясціць там гасцініцу або грамадска-гандлёвы цэнтр.

[irp posts="34 564″ name="Фабрыкі, ад якіх засталіся толькі пусткі: памяці Ашэра Касоўскага"]

Моладзь з Гродна абараняе млын Касоўскага, які ўсё адно знеслі. 2007 г.
Пляцоўку на Васілька пад будаўніцтва генконсульства Літвы горад вылучыў яшчэ ў 2008 годзе, але працы там пачаліся толькі праз 10 гадоў. Плануецца, што будоўля скончыцца ў кастрычніку 2020 года.


Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025