У матчы 27-га тура чэмпіянату краіны гродзенскі «Нёман» гасцяваў у барысаўскага БАТЭ. Перад матчам з гродзенцамі лідэру чэмпіянату заставалася ўсяго 1 ачко да чарговых залатых медалёў. У выніку сустрэча паміж камандамі скончылася мінімальнай перамогай барысаўчан і датэрміновым чэмпіёнствам.
За тры туры да канца чэмпіянату, БАТЭ здолеў заваяваць чарговы тытул чэмпіёна Беларусі, а перамогу прынёс барысаўскай камандзе Бярозкін, які на 88-й хвіліне далёкім ударам паразіў вароты Курганскага.
БАТЭ — «Нёман» — 1:0
Галоўны трэнер «Нёмана» Ігар Кавалевіч пасля матчу:
— Віншую БАТЭ з чэмпіёнствам. У гэтым годзе яно бясспрэчна заслужанае. Шмат падзей адбылося, адна з іх — смерць Анатоля Капскага …
Наша каманда правяла добры матч. У канцы не хапіла канцэнтрацыі, стрыманасці. Было шмат момантаў, калі маглі завяршыць эпізод голам, але не хапіла апошняга паса. Першапачаткова прыехалі ў Барысаў за перамогай. Моманты, пра якія гаварылі з камандай перад гульнёй, маглі ўвасобіцца, але не атрымалася.
Гродзенскі «Нёман» пасля паразы ў Барысаве працягвае знаходзіцца на 7-м месцы ў турнірнай табліцы. У актыве жоўта-зялёных 39 ачкоў.
Свой наступны матч «Нёман» правядзе 10 лістапада ў Гродне і будзе прымаць «Смалявічы»