На БелАЭС прыступілі да зборкі рэактара першага энергаблока

Спецыялісты прыступілі да зборкі рэактара першага энергаблока Беларускай АЭС, паведамляе прэс-служба Міністэрства энергетыкі са спасылкай на дырэктара праекта па збудаванні станцыі віцэ-прэзідэнта кампаніі «АСЭ» (інжынірынгавы дывізіён расійскай дзяржкарпарацыі «Расатам») Віталя Паляніна, піша Naviny.by.

Зборку рэактара спецыялісты пачалі пасля завяршэння праліва актыўных і пасіўных сістэм бяспекі на адкрыты рэактар. З дапамогай праліва абяссоленай вадой была праверана праходнасць трубаправодаў, якія вядуць у абсталяванне першага контуру.

Ваду прапусцілі праз сістэмы аварыйнага ахладжэння актыўнай зоны рэактара і кампенсатара ціску, ёю таксама ачысцілі трубаправоды сістэмы прадзьмуху-падсілкоўвання, прамылі абсталяванне і трубаправоды сістэмы аварыйнага і планавага расхалоджвання і сістэмы пасіўнага адводу цяпла ад актыўнай зоны.

Па словах Паляніна, пасля зборкі рэактара спецыялісты пачнуць гідравыпрабаванні і цыркуляцыйныя прамыванні трубаправодаў рэактарнага аддзялення з падвышанымі параметрамі.

Раней віцэ-прэзідэнт «АСЭ» паведаміў, што зборку рэактара першага энергаблока плануецца завяршыць 17 снежня, адзначае БелаПАН.


Дакладваем: 7 спосабаў выкарыстаць АЭС, калі яе раптам не дабудуюць


Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025