Фарныя могілкі ў Гродне: што зменіцца, калі ім прысвояць гісторыка-мемарыяльны статус?

Фарным могілкам у Гродне могуць прысвоіць гісторыка-мемарыяльны статус, паведамілі на СТВ. Яны лiчацца самым старым пахаваннем ў Беларусі.

Могілкі ўваходзіць у топ-5 месцаў, якія трэба абавязкова наведаць турысту. Тут, пачынаючы з часоў Рэчы Паспалітай, пахаваныя гістарычныя асобы, губернатары, лекары, інжынеры, скульптары і мастакі. У іх ліку Эліза Ажэшка і маці Максіма Багдановіча.

Могілкі закрытыя з 1973 года. Тут ёсць толькі асобныя надмагіллі, якія маюць статус гісторыка-культурных каштоўнасцяў. Гэта воінскія пахаванні. Пытанне аб захаванні гэтых могілак у розныя гады ўжо абмяркоўвалася. Але да канца так і не было вырашана.

Могілкі на Антонава ўсё ж могуць прызнаць каштоўнасцю — за іх заступілася пракуратура

Мінчанін хоча цалкам адлічбаваць старыя каталіцкія могілкі ў Гродне і шукае валанцёраў. Далучайцеся!

Надаць некропалю гісторыка-культурны статус спрабавалі яшчэ ў мінулым стагоддзі. Але зразумелі, што гэта ўскладніць сваякам больш сучасных магіл рамонт надмагілляў, афарбоўку агароджаў і элементарную прыборку — спатрэбяцца ўзгаднення. Тым часам, могілкі не ахоўваюцца, руйнуюцца і падвяргаецца нападкам вандалаў. Трывогу забіла пракуратура.

 — Вызначаны 15 пахаванняў, з іх восем праваслаўных і сем каталіцкіх пахаванняў, якія будуць прадстаўлены на разгляд савета ў кастрычніку гэтага года на прадмет унясення як асобых пахаванняў і надання ім статуса гісторыка-культурнай каштоўнасці трэцяй катэгорыі. І далей крок за крокам праца па ўнясенню асобых пахаванняў XIX-пачатку XX стагоддзя будзе ісці, — кажа Алена Клімовіч, начальнік упраўлення культуры Гродзенскага аблвыканкама.

Аналагі Фарным могілкам ёсць у Літве і Украіне — гэта музеі пад адкрытым небам для турыстаў. А вось у Беларусі механізм працы з такімі мемарыяламі пакуль не наладжаны. Можа, гродзенскі некропаль як раз і стане першай ластаўкай?