Навіны

Замест рамонту — ляжачыя паліцэйскія. На ўскраіне Гродна на разбітай дарозе ўсталявалі штучныя няроўнасці

На вуліцы Асфальтнай, што ў былой вёцы Лапенкі, асфальт хутка застанецца толькі ў назве вуліцы. Пакрыццё кепскае, хуткасць абмежавана да 50 км/г, для пешаходаў няма ходнікаў. У канцы верасня сюды прыехалі дарожнікі. Побач з ямамі і выбоінамі на астатках асфальту яны ўсталявалі ляжачых паліцэйскіх.

У 20-х чыслах верасня на Асфальтнай з’явілася дарожная тэхніка і рабочыя. Абнадзееныя жыхары спадзяваліся, што дарогу адрамантуюць. Аднак хутка высветлілася, што дарожнікі маюць іншую мэту.

«Замест таго, каб зрабіць нармальную дарогу, яны кладуць паліцэйскіх», — абураюцца мясцовыя жыхары. Яны не разумеюць, навошта паліцэйскія на разбітай дарозе, дзе і так не пагазуеш.

Атрымаць каментарый наконт новых штучных няроўнасцяў у ДАІ не артымалася. Датэлефанавацца да кампетэнтнага ў гэтых пытаннях начальніка па арганізацыі дарожнага руху не ўдалося цягам двух дзён.

Праблемы вуліцы Асфальтнай

Рух на Асфальтнай дастаткова інтэнсіўны. Акрамя легкавікоў, на дарозе шмат фур, якія ў аб’ёзд горада накіроўваюцца да беларуска-літоўскай мяжы.

Дарога выглядае далёкай ад ідэалу: паўсюль ямы, бугры, расколіны і выбоіны. Праз гэта пасля першых восеньскіх дажджоў вуліца «Асфальтная» робіцца падобнай да «Азёрнай».

Адсутнасць тратуару — асобная праблема для пешаходаў. Людзям даводзіцца хадзіць па дарозе ці ўзбочыне, а пасля дажду шпацыр па Асфальтнай можа пераўтварыцца ў гразевы душ.

Некалькі гадоў таму па Асфальтнай пракладвалі камунікацыі: паднялі асфальт, а пасля паклалі новы. Праўда, ён хутка «прасеў», зрабіўшы дарогу яшчэ горшай.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025