Навіны

На Алеся Дзянісава завялі справу нібыта за рэпост Укантакце. Пра гэта паведамілі яго дачцэ

Пра заведзеную справу участковы паведаміў па тэлефону дачцэ Дзянісава. Да самаго Алеся пакуль не звярталіся. Дзянісаў лічыць гэта псіхалагічным ціскам на яго сям’ю і просіць праверыць дзеянні супрацоўнікаў міліцыі.

Алесь размясціў заяву ў сацыяльных сетках, «каб потым ніхто не сказаў, што гэтых заяў не было».

29 верасня на хатні тэлефон Дзянісавых пазваніў участковы. Адказала 16-гадовая дачка Алеся Дар’я. Участковы не назваў імя і званне, «стаў задаваць пытанні аб тым, дзе знаходзіцца яе бацька, паведаміў пра тое, што ў адносінах да мяне пачалі крымінальную справу, нібыта за размяшчэнне інфармацыі ў сацыяльнай сетцы «Укантакце», піша Алесь.

Размова доўжылася больш за 10 хвілін. Алесь расцэньвае такі збор інфармацыі як «допыт» непаўнагадовай дачкі. Паводле яго, размова насіла цяжкі характар — участковы паводзіў сябе груба, бесцырымонна і спалохаў дзяўчыну.

«Тым больш незразумела, навошта яна (размова — рэд.) была неабходна, калі да цяперашняга часу са мной ніхто з праваахоўных органаў не выходзіў на сувязь і не апавяшчаў мяне аб тым, што ў дачыненні да мяне маюцца узбуджаныя крымінальныя справы, не выклікаў на допыт ці гутарку», піша ён.

Алесь расцэньвае паводзіны супрацоўніка праваахоўных органаў як спосаб аказаць на яго і сям’ю псіхалагічны ціск. Мэта — перашкодзіць яго культурнай дзейнасці ў якасці музыканта гурта «DZIECIUKI». Дзянісаў просіць праверыць факты, выкладзеныя ў заяве, і даць ацэнку дзеянням супрацоўніка міліцыі.

Алесь Дзянісаў - незалежны журналіст і музыкант, грае ў гурце DZIECIUKI. І таму, і іншаму віду яго дзейнасці часта перашкаджаюць.


Рэперу Face дазвалялі канцэрты, а Дзянісаву не: параўнанне тэкстаў песень


Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025