У суботу 22 верасня ВелаГродна запрашае веласіпедзістак горада сабрацца разам на стылёвую велапрагулку “Ледзі на веласіпедзе”. Восень у Гродне – гэта прыгожа, давайце дадамо ёй яшчэ больш яркіх фарбаў!
Упрыгожвайце ровары кветкамі і стужкамі, апранайце любімыя паліто, капялюшы і пальчаткі! Кошык, сабачка, кветкі ў валасах, спадніца, джынсы, жакет, хусткі, шалікі – выберы для сябе зручны і прыгожы вобраз.
Акцыя пачнецца ў 12.00 у парку Жылібера, каля фотазоны ў выглядзе сэрца.
Пасля удзельніцы праедуць па цэнтры горада ад парка Жылібера, па вуліцы Савецкай, да драмтэатра, па набярэжнай Нёмана і будуць ладзіць фотасесіі напрацягу ўсяго маршрута.
Чакаем жанчын усіх узростаў! Бярыце з сабой сябровак, дачок, сясцёр і мам!
Сёлетняя акцыя праводзіцца ўжо другі раз. Як яна праходзіла летась паглядзіце ў нашым мінулагоднім матэрыяле:
Мерапрыемства з’яўляецца часткай Еўрапейскага тыдня мабільнасці ў Гродне і праходзіць пры падтрымцы таварыства “Зялёная сетка”.
