Спецгашэнне паштовай маркі «Гродна» з серыі «Гарады Беларусі» прайшло ў будынку дамавога храма ў гонар Каложскай іконы Божай Маці 14 верасня. Урачыстая цырымонія была прысвечана 890-годдзю Гродна.
На марцы змешчаны выявы Каложскай царквы і пажарнай каланчы. Наклад — 48 тысяч. Намінал адпавядае міжнароднай паштовай картцы. Да выпуску паштовай маркі выраблены спецыяльны канверт і штэмпель першага дня гашэння.
У цырымоніі прымалі ўдзел арцыбіскуп Гродзенскі і Ваўкавыскі Арцемій і прадстаўнікі гарадскіх службаў і арганізацый.
