На вуліцы Белуша каля Скідзельскага рынку ў канцы жніўня пачало працу новае кафэ «Ніндзя-кебаб». Тут можна пакаштаваць піту і шаўрму ад туніскага кухара.
Адкрыццём кафэ займаліся два кампаньёны, якія раней не былі звязаныя з грамадскім харчаваннем.
«Мы хацелі сябе паспрабаваць у грамадскім харчаванні. Гэта цікавы рынак, дзе можна развівацца», — распавёў адзін з уладальнікаў Дзмітрый.
У кафе працуе кухар з Туніса, які ўжо раней працаваў у розных установах Гродна і Мінска. Сёння ён адзін з нямногіх, хто ўмее рабіць у Гродне правільную шаўрму. За некалькі дзён працы кафэ там ужо з’явіліся свае пастаянныя кліенты.
Новае кафэ разлічана на 13 пасадачных месцаў. Шаўрма (400 г) абыйдзецца ў 5,99 руб, а кава амерыкана ў 1,69 руб.
Час працы кафэ: АЎТ-НД з 10 да 22 гадзін. Панядзелак — выхадны.
