Ліга чэмпіёнаў у Гродне працягваецца. У суботу 1 верасня ў Гродна прыляцелі хакеісты швейцарскага «Цуга». Каманда засялілася ў гатэлі «Нёман» і бліжэй да вечара апрабуе лёд гродзенскай арэны. А праз суткі «Цуг» сустрэнецца з «Нёманам».
У параўнанні з чэшскай «Каметай», швейцарцы прыляцелі ў Гродна за дзень да гульні, каб старанна падрыхтавацца да бітвы з гродзенцамі.
Напярэдадні чарговага лігачэмпіёнскага матчу, hrodna.life пагутарыў з рэдактарам часопіса «Цуг» Яўгенам Тхалманам, які ў курсе ўсяго што адбываецца са швейцарскай камандай.
«У Гродне нам вельмі падабаецца. Гэта светлы, прыгожы і акуратны горад. Наша каманда тут была ў мінулым годзе. Мы чакаем што з „Нёманам“ у нас будзе напружаны і складаны матч. У мінулым годзе так і атрымалася».
У леташнім розыгрышы Лігі чэмпіёнаў «Нёман» двойчы сустракаўся з «Цугам». Хатні матч гродзенцы прайгралі 3:2, а ў Швейцарыі падапечныя Сяргея Пушкова саступілі толькі ў серыі булітаў.
«Сёння ў складзе „Нёмана“ па прозвішчу кагосьці цяжка вылучыць, але ведаем што там ёсць шмат добрых выканаўцаў. У цэлым „Нёман“ вельмі моцны і годны супернік. Мы здзівіліся гэтаму ў мінулым годзе. Гродзенцы паказваюць тыповы добры расійскі хакей».
Гуляць у Гродне пры поўнай арэне гродзенцаў швейцарцы не баяцца, Яўген Тхалман адзначае, што ў Цуге збіраецца на матчы па 7 тысяч чалавек.
«Для нас няма праблем гуляць на поўнай арэне. Гэта нармальная сітуацыя, калі на нашы матчы ў Цуге прыходзіць па 7 тысяч чалавек. Так што поўная арэна ў Гродна нас не здзівіць».
Свой першы матч швейцарцы выйгралі ў Берліне. «Айсберен» — «Цуг» — 3:5
Ужо ў нядзелю 2 верасня «Цугу» трэба будзе пазмагацца з гродзенскім «Нёманам», які ў першым матчы сёлетняга розыгрышу перамог чэшскую «Камету» 4:2.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…