Бізнэсовец Аркадзь Ізраілевіч, які судзіцца з газетай «Новы час» і яе пазаштатным карэспандэнтам Дзянісам Івашыным, прапанаваў С**бодзе прысутнічаць на ягоных перамовах з прадстаўнікамі выдання і журналістам па ўрэгуляванні канфлікту.
Перамовы Аркадзь Ізраілевіч прапануе правесці да 10 верасьня, калі прызначана асноўнае паседжанне суду па ягоным пазове аб абароне гонару, годнасці і дзелавой рэпутацыі да «Новага часу» і Івашына.
29 жніўня прадстаўніца бізнэсоўца ў судзе Алена Калазаева ад ягонага імя адмовілася ад міравога пагаднення канфліктуючых бакоў. Сваё жаданне ўсё ж урэгуляваць канфлікт да суду Аркадзь Ізраілевіч сёння патлумачыў С**бодзе.
— Я абсалютна не прагну ніякай помсты, мне абсалютна не патрэбны грошы. Але ў мяне ўжо нейкая рэпутацыя з’яўляецца, што я душу незалежную прэсу. Я прапаную да 10 чысла, пакуль ёсць час, каб «Наш Час» узяў свайго юрыста, я вазьму свайго, вы будзеце прысутнічаць як прадстаўнік незалежных СМІ. Я пакажу ўсе дакументы і дакажу, што яны адносна мяне ўсё хлусілі. І хай яны да 10 чысла напішуць, што журналіст карыстаўся неправеранай інфармацыяй і мы гэта абвяргаем. І ўсё, я адклічу ўсе пазовы. І нічога такога не хачу. Я не хачу, каб у судзе агалошваліся тыя знявагі і прыніжэнні, якія я атрымаў, мне гэтага не трэба.
Паводле Аркадзя Ізраілевіча, калі ў выніку перамоў стане відавочна, што менавіта ён не мае рацыі, ён таксама адкліча свой пазоў і папросіць прабачэння. На мінулым тыдні галоўны рэдактар «Новага часу» Аксана Колб ужо сустракалася з Аркадзем Ізраілевічам якраз адносна мірнага пагаднення. Паводле яе слоў у судзе Савецкага раёну Менску 29 жніўня, бізнесовец тады адмовіўся спыніць канфлікт мірна.
Галоўны рэдактар газэты «Новы час» Аксана Колб сказала С**бодзе, што ў фармаце, які прапануе Аркадзь Ізраілевіч, яна не згодная ісці з ім на перамовы.
— Па-першае, чаму я даведваюся пра прапановы ад яго праз медыі, а не ад самога Аркадзя Ізраілевіча ці ягонага адваката, у якіх ёсць мой тэлефон? Па-другое, што значыць прапанова сабрацца з юрыстамі ды журналістамі і вызначыць, хто мае рацыю? Такія функцыі, як вызначаць ісціну, мае толькі суд, такой канчатковай інстанцыяй можа быць толькі суд. І па-другое, мы па-ранейшаму застаёмся на сваёй пазіцыі і гатовыя прадставіць Аркадзю Ізраілевічу нашу плошчу, каб ён выказаў свае меркаванні, прыклаў дакументы. Мы гатовыя іх апублікаваць, і ўжо хай чытачы вырашаюць, на чыім яны баку.
Незалежны журналіст Дзяніс Івашын таксама выказаўся супраць перамоў з Аркадзем Ізраілевічам.
— Якія могуць быць з ім перамовы? З ягонага боку гэта пацверджаньне ранейшай цынічнай пазіцыі, асабліва пасля ўчорашніх падзей каля рэстарацыі ў Курапатах. Асабіста мне цяпер відавочна, што ён сам сабе ўжо вынес прысуд", — мяркуе Дзяніс Івашын, на якога Аркадзь Ізраілевіч падаў у суд за публікацыю пра яго датычнасьць да рэстарацыі «Поедем поедим».
Па абедзе 30 жніўня Аркадзь Ізраілевіч патэлефанаваў Аксане Колб і пераказаў ёй асабіста свае прапановы аб перамовах. Паводле галоўнай рэдактаркі «Новага Часу», яна паўтарыла свае ўмовы, на якія Аркадзь Ізраілевіч не пагадзіўся.
— Значыць, пойдзем 10 верасьня ў суд, калі іншых прапаноў не будзе", — сказала Аксана Колб пра вынік размовы з Аркадзем Ізраілевічам.
Аркадзь Ізраілевіч пра тэлефонную размову з Аксанай Колб сказаў карэспандэнту С**боды: «Яна мне сказала, што ўсё роўна будзе ў плюсе, ужо прапаноўваюць ахвяраванні, яе такая сітуацыя цалкам задавальняе».
Реклама — это мощнейший двигатель торговли. Компания Ан-Студио предлагает вам изготовление бумажных и этиленовых пакетов, визиток, календарей. Заказать услуги можно на сайте http://an-studio.kiev.ua/kraft-pakety/. Высокое качество услуг по приемлемой цене.
У найбліжэйшыя месяцы ў Поразаве плануюць адкрыць Дом банкухі. Тут можна будзе паўдзельнічаць у майстар-класе…
Міліцыя Гродна адпраўляе адбыўшых пакаранне на працы ў Гродзенскую агароднінную фабрыку. Зараз на ўліку ў…
На Дзевятоўцы прадаюць трохпакаёвую кватэру на апошнім паверсе 16-павярховага дома. Акрамя шыкоўнага выгляду на палі…
У акцыях на 9 траўня, прысвечаных святкаванню 80-годдзя перамогі, вырашылі задзейнічаць жывёл. Сабаку па мянушцы…
Супрацоўнікі "Гродназелянбуда" ўжо ўпрыгожваюць аркі на Савецкай кветкамі. У сацсетках з'яўляецца ўсё больш відэа з…
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…