Фото: pvlida.by
Відавочца-рыбак 27 ліпеня выратаваў на Нёмане мужчыну, які купаўся ў забароненым месцы. Другога тонучага выратаваць не паспеў. Пра гэта паведамляе БЕЛТА са спасылкай на Гродзенскую абласную арганізацыю Беларускага рэспубліканскага таварыства выратавання на водах.
На стыхійным пляжы непадалёк ад Румлёўскага маста ў Гродне адпачывала кампанія. «У нейкі момант двое мужчын вырашылі выкупацца. На іх стан звярнуў увагу рыбак, які знаходзіўся на беразе. На яго папярэджанні мужчыны не адрэагавалі», — распавялі ў Гродзенскай абласной арганізацыі таварыства.
Неўзабаве рыбак заўважыў, што мужчыны сталі тануць. Ён кінуўся ў ваду, паспеў дастаць аднаго з купальшчыкаў. Выратаваць другога не паспеў. Цела ў 20 метрах ад месца здарэння 28 ліпеня выявілі вадалазы.
Гэта ўжо другі трагічны выпадак у раёне Румлёўскага маста. Калісьці прадпрымаліся захады па стварэнні афіцыйнага пляжу, аднак з-за асаблівасцяў Нёмана, моцнай плыні ў гэтым месцы, купанне тут смяротна небяспечна.
У межах горада на рацэ дзейнічаюць тры афіцыйныя пляжы, дзе арганізавана дзяжурства выратавальнікаў - Цэнтральны, Ласосна і Пышкі.
З пачатку года ў Гродзенскай вобласці вада забрала жыцці 33 чалавек.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…