Пасля пажару ў Кемераўскім ГЦ «Зімовая вішня» ратавальнікі праверылі аб’екты і ў Гродзенскай вобласці. Для шэрагу кіраўнікоў і службовых асобаў маніторынг скончыўся штрафам. Адны дырэктары ўхілялі выяўленыя недахопы падчас праверкі, іншыя ігнаравалі прадпісанні нават пасля некалькіх маніторынгаў, піша Вячэрні Гродна.
— З моманту трагедыі ў Расіі выратавальнікі праверылі больш за 1,5 тысячы аб’ектаў па ўсёй вобласці. Ва ўсіх месцах праведзены паўторныя маніторынгі. А на аб’екты, дзе знойдзеныя парушэнні ўстараняліся з неахвотай, правяраючым давялося наведвацца часцей. Аднак нават пасля гэтага асобныя кіраўнікі не надалі значэння праверкам — 20 чалавек атрымалі штраф за невыкананне рэкамендацый пажарных, — распавёў начальнік Гродзенскага абласнога ўпраўлення МНС Сяргей Шпарло.
Паводле яго слоў, ратавальнікі не штрафуюць службовых асобаў пры першым маніторынгу. Выдаецца прадпісанне і ўстанаўліваецца тэрмін на ліквідацыю. Калі сітуацыя не зменіцца і пасля гэтага, выратавальнікі прыцягваюць адміністрацыйны рэсурс. Пры гэтым да крайніх мераў - закрыцья аб’екта — яшчэ не звярталіся. На сёння актуальнымі застаюцца каля 100 парушэнняў - яны на кантролі МНС.
— З-за змен у заканадаўстве дзесьці мы рэдка з’яўляліся, а на аб’ектах, якія былі ўведзеныя не так даўно, наогул не з’яўляліся, — патлумачыў Шпарло, спасылаючыся на Указ Прэзідэнта, скарацілы лік планавых праверак. — У нейкай ступені гэта прывяло да расхалоджвання. Дзесьці пачалі рабіць перапланіроўку памяшканняў, дзесьці з выкарыстаннем матэрыялаў, якія забароненыя, перакрыцце шляхоў эвакуацыі. Сёння гэтыя недахопы выкрытыя, яны на паверхні. Але мы не супакойваемся, мы працягваем працу па навядзенні парадку.
Нагадаем, пажар у гандлёва-забаўляльным цэнтры здарыўся днём 25 сакавіка, загінулі 60 чалавек, у тым ліку дзеці. Па факце пажару і гібелі людзей расследуецца некалькі крымінальных спраў. У МНС Расіі прычынай пажару назвалі кароткае замыканне. Адразу пасля трагедыі ў Беларусі пачаліся праверкі аналагічных аб’ектаў.
На пляцоўцы «Куфар» з'явілася аб'ява аб продажы гродзенскай кавярні «Чашки&ложки». Установа ўжо чатыры гады працуе…
Аб'явы аб здачы памяшканняў у арэнду з'явіліся ў Instagram-акаўнце royal.grodno і на “Куфары”. У аб'явах…
Гродзенскія пункты выдачы заказаў Wildberries і Ozon аказаліся перапоўнены падарункамі для жывёл. Гэта вынік Таемнага…
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…