«Мы хочам, каб людзі траплялі ў савецкую армію». У Шчучыне адкрылі для турыстаў некалі засакрэчаны падземны бункер

Цяпер сакрэтны бункер можна паказваць не толькі гасцям, але і па тэлебачанні. А тры дзесяткі гадоў таму гэта быў засакрэчаны аб’ект: адзін з ваенных элементаў, якіх у ваколіцах Шчучына ў савецкія часы было шмат. Гэта і ваенны аэрадром, і СПА, і ракетныя часткі. Калі апошнія зараз добра вядомыя, то пра гэты абаронены камандны пункт нават мясцовыя жыхары не ўсе ведаюць, паведамляе «Гродна Плюс».

Бункер абмінуў лёс быць разрабаваным. Адразу пасля развалу СССР ён адышоў беларускім вайскоўцам. Пасля, за непатрэбнасцю, яго перадалі мясцовым уладам, а тыя прадбачліва паставілі тут вартаўніка. Што рабіць з унікальным аб’ектам доўгі час не ведалі. Ідэя прыйшла нечакана — пакінуць як ёсць і праводзіць экскурсіі.

Масіўныя дзверы, некалькі ступеняў ачысткі паветра і спецыяльная сістэма ціску знутры будынка — усё зроблена для таго, каб у выпадку ядзернага ўдару кіраўніцтва змагло працягнуць камандаваць авіядывізіяй. Адсюль і назва: АКП — абаронены камандны пункт. Два паверхі баявых пастоў і месяц аўтаномнага існавання пад зямлёй.

www.youtube.com/watch?v=tkce6JjH2bs

Год таму ў арэнду комплекс ўзяла мясцовая турыстычная кампанія. Самае складанае, прызнаюцца, узнавіць антураж ваеннага мінулага.

— Нам дапамагалі людзі. Мы знаходзілі людзей, якія нейкае дачыненне мелі да гэтага бункеру. Яны нам распавядалі, давалі інфармацыю, якую мы вучылі. Разбіраліся з кожным памяшканнем. Што, для чаго. А потым паціху пачалі завозіць нейкую маёмасць, — кажа Анастасія Маркоўская, экскурсавод-аніматар.

Ўвесь антураж для памяшканняў збіраецца па крупінках праз знаёмых. Рыхтуюцца сцэнарыі для турыстаў. Тут плануюць максімальна ўзнавіць дзейнасць ваеннага аб’екта. Ўсіх планаў не раскрываюць. Што і як будзе — ваенная таямніца. Але першыя турысты ўжо ў захапленні ад самаго аб’екта.

— Плануем максімальна стварыць умовы, каб людзі сюды прыязджалі, маглі акунуцца ў ваенны час. На сабе адчуць армейскі побыт. Мы хочам, каб яны траплялі ў савецкую армію, — кажа Валерыя Волчак, экскурсавод-аніматар.

І нават праз 15 гадоў прастою, выявіць АКП не так проста: добрая маскіроўка і амаль поўная адсутнасць інфармацыі ў інтэрнэце. Гэты прабел, абяцаюць у Шчучыне, выправяць. Аб’ект хоць і ваенны, але выкарыстоўваць будуць у мірных мэтах.

Падзяліцца

Апошнія запісы

У Гродне на «травеньскія» ў паўтара раза выраслі цэны на арэнду кватэры

Пасуткава арэнда кватэры на тры дні з 1 па 4 траўня ў Гродне можа абыйсціся…

9 красавіка 2025

Стогадовы дзіцячы сад у цэнтры Гродна пераробяць пад жылы дом. Стала вядома, як ён будзе выглядаць

Былыя яслі на Васілька, 5, дзе раней хацелі адкрыць сацыяльны цэнтр, перабудуюць пад шматкватэрны малапавярховы…

9 красавіка 2025

Пляжы ў Гродне абследуюць вадалазы. Месцы для купання прывядуць у парадак

Вадалазы абследуюць месцы для купання ў Гродне і ачысцяць іх ад смецця і старонніх прадметаў.…

9 красавіка 2025

У Гродне выдаткуюць $ 8000 на іміджавы ролік аб працы ЖКГ

ЖКГ Гродна хоча зняць відэаролік аб развіцці і сучаснай структуры працы сваіх прадпрыемстваў. Ён будзе…

9 красавіка 2025

У Гродне адкрылася крама «Власть кофе» з напоем кубінскіх каранёў

Крама “Власть кофе” абяцае шырокі асартымент абсмажанай кавы з розных куткоў свету - Лацінскай Амерыкі,…

8 красавіка 2025

У Гродне адкрыўся рэстаран «Бекон»: двухпавярховы і з адкрытай кухняй

У рэстаране “Бекон” будуць спалучаць амерыканскую і паназіяцкую кухню. Там будзе адкрытая кухня - можна…

8 красавіка 2025