Навіны

Гродзенскі фатограф удзельнічае ва ўкраінскай выставе пра правы чалавека і дыскрымінацыю

Выстава пад назвай People. Places. Processes. адкрыецца 10 ліпеня ў Кіеве. Сярод фатографаў з Малдовы, Арменіі, Грузіі і Украіны выставіцца і адзіны беларус і гродзенец — Аляксандр Саенка.

Сем фотамастакоў з краін Усходняга партнёрства прадэманструюць сваё бачанне правоў чалавека, праблем дыскрымінацыі, сацыяльнай справядлівасці, карупцыі і беднасці. Гэтыя вострыя праблемы аб’ядноўваюць грамадзян, збіраюць шматтысячныя дэманстрацыі, фармуюць светапогляд сучаснага чалавека.

Для выставы People.Places.Processes. Аляксандр выбраў фота са сваёй серыі «Едакі». Гэта здымкі безпрытульных і маламаёмасных, якія прыходзяць у каталіцкі кляштар па бясплатны абед. Як пішуць арганізатары, «у сваёй мастацкай манеры Саенка перадае стан ўразлівасці гэтых людзей. Знаходзячыся тут, яны не проста могуць атрымаць бясплатную ежу, яны таксама на імгненне забываюць пра адзіноту».

Гэты праект Аляксандр называе самым важным для сябе, бо падчас фатаграфавання ён меў зносіны з гэтымі людзьмі. Затым ён раздрукаваў свае здымкі, вывешваў іх у тым прытулку і раздаваў сваім героям. Мастак кажа, што некаторыя людзі нават былі здзіўлены, зірнуўшы на сябе з боку. А іншыя насілі гэтыя здымкі ў сваіх кішэнях, як рэліквію.

Гродзенскі фатограф Аляксандр Саенка
Фатограф супрацоўнічаў з агенцтвамі Reuters і Photoexpress, таксама з’яўляецца лаўрэатам шматлікіх конкурсаў. Але сам аддае перавагу выставах. Асабліва ў маленькіх галерэях — там можна пагаварыць з людзьмі і атрымаць ад іх фідбэк. Фота, як кажа сам Аляксандр, дапамагае лавіць жыццёвыя моманты. Для яго дзейнічае наступны прынцып: Сфатаграфуйце гэта цяпер, таму што паўтарэння такой карцінкі больш ужо не будзе.

На адкрыцці адбудзецца дыскусія з мастакамі, палітыкамі і экспертамі па узаемасувязяў паміж сучасным мастацтвам, сацыяльнымі і палітычнымі працэсамі ва Усходняй Еўропе. Тэатр імправізацый «Па-за часам» прадставіць перформанс па матывах адной з фотаработ.

Арганізатар выставы — Рэгіянальны офіс «Дыялог Усходняя Еўропа» Фонду імя Фрыдрыха Эберта, найстарэйшага палітычнага фонду Германіі, распаўсюджвае асноўныя ідэі і каштоўнасці сацыял-дэмакратыі: свабоду, справядлівасць і салідарнасць. Выстава будзе доўжыцца з 10 па 15 ліпеня ўключна ў Нацыянальным музеі Тараса Шаўчэнкі.

Падзяліцца

Апошнія запісы

У цэнтры Гродна закрылася крама спорттавараў, якая працавала больш за 30 гадоў

Гродзенцы звярнулі ўвагу, што з будынка па вуліцы Ажэшкі, 42 знікла шыльда «Спорттавары». Instagram-акаўнт крамы…

28 красавіка 2025

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025