12 ліпеня мастацкая галерэя «У Майстра» адкрые першую персанальную выставу мастачкі Вікторыі Савянковай «Праламленне». Выстава прадставіць серыю партрэтаў у рэдкім для Беларусі стылі гіперрэалізм.
— Я пішу толькі сваіх знаёмых. Праца над адной карцінай займае некалькі месяцаў, таму мне неабходна ведаць чалавека, ён павінен быць мне цікавы, так як я на працягу многіх гадзін «маю зносіны» з ім у працэсе працы. Усё пачынаецца з ідэі, канцэпцыі, потым фотасесія, рэтуш, калаж, накіды, і ўжо па гэтым матэрыяле пішу партрэт. Пачынаю заўсёды з самага складанага, погляду, для мяне важна ўсталяваць кантакт. Люблю пісаць тэхнічна складаныя элементы, валасы, фактуры, святло — гэта дэталі, якія дадаюць рэалізму, — кажа аўтарка.
— Упершыню работы Вікторыі Савянковай я ўбачыла на выставе маладых мастакоў у Новым замку. І мне адразу захацелася зрабіць у нашай галерэі персанальную выставу гэтага аўтара, — кажа куратар выставы Вольга Бараноўская. — Нам вельмі пашанцавала, што Вікторыя піша свае працы серыямі, так мы змаглі зрабіць вельмі суцэльную экспазіцыю, што ўзмацняе агульнае ўражанне ад яе працаў.
Вікторыя працуе ў стылі гіперрэалізму і сучаснага рэалізму. Гэта вельмі працаёмкая тэхніка. Звычайна праца над адной карцінай займае некалькі месяцаў. Гэта стыль, у якім мастак з фатаграфічнай дакладнасцю адлюстроўвае аб’екты, гэта быццам застылы кавалачак рэальнасці.
Але ад фатаграфіі карціну адрознівае тое, што аўтар наўмысна ўзмацняе нейкі элемент. Гэта можа быць фактура, эмоцыя або маштаб, ствараючы, такім чынам, падманку, якую глядач успрымае як нешта сапраўднае, якое існуе ў рэальнасці. Так мастак прымушае паверыць у рэальнасць транслюемай ім ідэі. Напрыклад, у працах Вікторыі - гэта эмоцыі, погляд. Яе партрэты прымушаюць спыніцца і прыгледзецца больш уважліва, зазірнуць глыбей, ўнутр сябе".
У стылі гіперрэалізм Вікторыя працуе нядаўна, з 2014 года. Аднак яна заўсёды была звязаная з творчасцю. Мастачка скончыла Беларускую дзяржаўную акадэмію мастацтваў.
— Мы лічым, што адна з галоўных функцый сучаснай галерэі - адкрываць новыя імёны для гледача. Таму мы з вялікім энтузіязмам хацелі б пазнаёміць гродзенцаў і гасцей горада з творчасцю маладой, але вельмі перспектыўнай мастачкі Вікторыі Савянковай, — кажа дырэктар галерэі Кацярына Пятруцый. — Гэта першая персанальная выстава Вікторыі. Аднак яе працы выстаўляліся на такіх групавых выставах як «Арт-Мінск,» Восеньскі салон" у Беларусі. Таксама яе работы экспанаваліся ў Нью Ёрку, Сарагосе, Барселоне і Венецыі, ужо некалькі разоў публікаваліся ў часопісе «Poets and artists».