Усяго з пачатку траўня на ўкусы кляшчоў ва ўстановы аховы здароўя вобласці паскардзіліся звыш 2,7 тысячы чалавек. У Гродзенскай вобласці - 1875. Выпадкі ўкусаў зафіксаваныя на тэрыторыі дачных участкаў у Скідзельскім, Капцёўскім, Подлабенскім, Парэцкім, Путрышкоўскім сельсаветах і ў гарадскіх мікрараёнах Паўднёвы, Баранавічы, Альшанка. А таксама ў лясных масівах ў Азёрскім, Сапоцкінскім, Подлабенскім, Адэльскім, Скідзельскім, Індурскаім сельсаветах. Выпадкаў захворвання на клешчавы энцэфаліт не было, а вось лайм-барэліёз фіксавалі, піша Гродзенская праўда.
— Многія да гэтага часу ўпэўнены, што кляшчы — гэта выключна лясныя жыхары. Але гэта не так. Ад сустрэчы з імі не застрахаваны ні адзін чалавек, — кажа энтамолаг Гродзенскага абласнога цэнтра гігіены, эпідэміялогіі і грамадскага здароўя Валянціна Сліневіч. — Любы шпацыр па зялёнай зоне можа справакаваць напад членістаногага. Амаль 38 адсоткаў людзей «падчапілі» крывасмока падчас прагулкі па лясным масіве, амаль столькі ж, адпачываючы на дачных участках. Хоць да нядаўняга часу пацярпелых на дачах было больш.
Пры гэтым паркі, зялёныя зоны, лясныя масівы рэгулярна апрацоўваюцца ад кляшчоў. Усё больш сельскіх жыхароў, разумеючы небяспеку ўкусу крывасмока, жадаюць абясшкодзіць свае лецішчы і прыдамавых тэрыторыі. Ёсць і калектыўныя звароты, гэта значыць, апрацоўваецца не адзін прыватны двор, а цэлае таварыства.
Але людзі шпацыруюць не толькі там, дзе апрацавана. Ці можна абараніцца ад крывасмока? Спецыялісты ЦГЭіГЗ запэўніваюць, можна. Для гэтага неабходна выконваць некаторыя меры засцярогі.
— Кожны раз, адпраўляючыся ў зялёную зону, трэба памятаць, што там могуць быць кляшчы. Да таго ж, штогод арэал распаўсюджвання кляшчоў пашыраецца ў зону гаспадарчай дзейнасці чалавека. Трэба ўмець абараніць сваю тэрыторыю, — падкрэсліваюць спецыялісты цэнтра.
Як гэта зрабіць? У першую чаргу навесці на ўчастку парадак: падстрыгчы траву, прыбраць харчовыя адходы (яны прыцягваюць грызуноў, якія з’яўляюцца пераносчыкамі кляшчоў), а таксама сухую траву, галінкі і іншае смецце — пад ім таксама могуць хавацца кляшчы.
Дачнікі раяць высаджваць на ўчастку чабор, шалфей, багун, далмацкi рамонак — гэтыя прыродныя прэпараты адпужваюць паразітаў.
— Пад рукой заўсёды трымаеце рэпеленты, а падчас прагулкі ў зялёнай зоне на целе не павінна быць «слабых месцаў» — адзенне павінна закрываць усе ўчасткі, — нагадваюць у ЦГЭіГЗ.
Беларуска гатуе незвычайны сыр, знаёмый многім па кірмашах і рамесных крамах у Літве. Там яго…
У Беларусі актыўна рассылаюць апавяшчэнне пра выбары і рэферэндум ад імя нібыта «Цэнтральнай Выбарчай Камісіі…
Змяніўся ўласнік участка на Вялікай Траецкай за сінагогай - яго канфіскавалі ў ранейшага і перапрадалі.…
У аграгарадку Шчорсы прыступілі да аднаўлення гаспадарчых пабудоў былой сядзібы Храптовічаў. Ужо пачалі крыць дах,…
У кавярні-фудтраку «Жоўты» з’явілася навінка — галараствор, які можна браць з сабой і заварваць каву…
Сілавікі выявілі тры факты падпіскі на экстрэмісцкія рэсурсы ў Астраўцы. У Ваўкавыску беларуску судзілі за…