21 ліпеня на Аўгустоўскім канале адбудзецца VIII веламарафон «Суседзi». Паспаборнічаць у хуткасці і вынослівасці можна будзе на трох дыстанцыях — «Марафон» (65 км), «Паўмарафон» (40 км) і «Міні-марафон» (7 км). Спартсменаў чакаюць лясныя, палявыя і грунтавыя дарогі. Самых маленькіх веласіпедыстаў запрашаюць прыняць удзел у дзіцячым велазаездзе на бегавелах і роварах.
Да ўдзелу таксама запрашаюцца каманды. Каманду можна сабраць з калегаў, сяброў і сваякоў - тых, з кім вы хацелі б прыемна правесці час і пазмагацца за кубак. Усе пераможцы атрымаюць памятныя прызы і падарункі ад спонсараў марафону.
Марафон «Суседзі» з’яўляецца не толькі самым буйным веласіпедным мерапрыемствам Гродзенскага рэгіёну, але і этапам міжнародных спаборніцтваў Маратоны Кресове (Maratony Kresowe). А гэта значыць, самай вялікай групай замежных удзельнікаў будуць веласіпедысты з Польшчы.
У мінулым годзе на старт марафону выйшла больш за 800 раварыстаў. На вялікае спартыўнае свята ўсё едуць, каб выпрабаваць сябе і пагутарыць з аднадумцамі, такімі ж аматарамі актыўнага ладу жыцця. Раней для ўдзелу ў марафоне прыязджалі таксама раварысты з Расіі, Літвы, Латвіі, Чэхіі, Нідэрландаў, Аўстраліі і іншых краін.
Паўдзельнічаць у веламарафоне зможа любы жадаючы. Пол, узрост і веласіпедны стаж значэння не маюць. Галоўнае мець ровар, шлем і сілу волі.
Падрабязнасці пра марафон і спасылка на рэгістрацыю на сайце velogrodno.by
Арганізатарамі марафону «Суседзi 2018» з’яўляюцца: Грамадскае аб’яднанне веласіпедыстаў «ВелоГродно»; Гродзенскі райвыканкам.
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…