20 гадоў гарадзенец Ігар Бакун выношваў ідэю спусціцца на плыце па Нёмане, а ў 2018 годзе ўзяў і зрабіў гэта. Ён сабраў сяброў, сваякоў і паплыў ад ГЭС да Аўгустоўскага канала.
Свой плыт Ігар назваў «Вікторыя». Ён зрабіў яго з сябрамі за адзін дзень. Канструкцыя гэта шмат дошак, 10 пластыкавых бочак і электрычны матор, які служыць у якасці стырна. Плыт месціць каля 14 чалавек.
«У гэтым годзе мы адмовіліся ад мора і вырашылі адпачыць у Гродне, — распавядае Ігар. — Ідэя з плытом нарадзілася яшчэ калі я быў хлапчуком, але рэалізаваць яе не было магчымасці. У мінулым годзе мы спрабавалі зрабіць плыт, але на ім нават горад не пераплылі».
Ад ГЭС да цэнтра Гродна плыт даплыў за дзве гадзіны. Яшчэ пяць гадзін Ігар плануе дабірацца да Аўгустоўскага канала.
«Плыць па Нёмане вельмі крута — эмоцыі зашкальваюць. Прыгажосць, прырода — гэта таго варта. Людзі ўсюды махаць. Мне здаецца, трэба шанаваць нашу прыроду. Мы заклікаем усіх спрабаваць адпачынак у родных мясцінах і не ехаць за мяжу».
Ігар прызнае, што Нёман змялеў, і дзесьці плыт захрасаў, але прабіраўся далей. «Наш плыт дужы, яго рабілі інжынеры — людзі з вышэйшай адукацыяй», — дадаў Ігар.
Даплыўшы да Аўгустоўскага канала, Ігар і яго каманда паставяць лагер з намётамі на выходныя.
Пабудаваць такі плыт каштуе каля 350 долараў, але гродзенец збіраў матэрыялы ў сяброў і ў выніку плыт абыйшоўся амаль бясплатна.
Інцыдэнт здарыўся ў Мінску падчас выставы, прысвечанай нумізматыцы. У гродзенца, які прымаў у ёй удзел,…
Дзве кнігі "Наш президент" з футлярам купляюць для Цэнтралізаванай бібліятэчнай сістэмы Гродна. Яны праходзяць як…
Жыхарцы Новай Гожы давялося звяртацца ў Камітэт дзяржкантролю Гродзенскай вобласці, каб выратаваць дом сваёй маці…
Гродзенца, на якога падаў заяву Азаронак, абвінавачваюць у здрадзе дзяржаве. У Ваўкавыску судзяць Эдуарда Бабарыка.…
У Гродне ў гэтым годзе вылучылі 24 месцы, дзе можна будзе купіць цюльпаны і іншыя…
За апошнія тры гады ў Гродзенскай вобласці засталося 11 атэставаных гідаў-перакладчыкаў з 20. Пры гэтым…