Дадаць навіну
Субота, 23 чэрвеня 2018, 19:45

У Гродне з-за сухога надвор’я мялее Нёман, ёсць праблемы з суднаходствам. Патрэбныя дажджы

З-за доўгай адсутнасці дажджоў Нёман мялее. Вясной і ў пачатку лета было вельмі мала ападкаў. Такога надвор’я ў Гродзенскай вобласці не было даўно — як сцвярджаюць сіноптыкі, гадоў 60. Дэфіцыт ападкаў не прайшоў бясследна для воднай стыхіі. Ракі і возера ў вобласці рэзка змялелі, распавядае тэлеканал «ГродноПлюс».

— На рацэ Нёман з 11 мая па сённяшні дзень ўзровень знаходзіцца ніжэй адзнакі 125 см. Што выклікае цяжкасць у працы рачнога транспарту на ўчастку пералом — мяжа з Літвой, — кажа інжынер-гідралогіі філіяла «Гроднааблгідрамет» Віктар Гарэцкі.

Гарачае надвор’е прывяло не толькі да абмялення рэк і вадаёмаў. Дыскамфорт адчуваюць і водныя жывёлы.

— У сувязі з такімі гарачымі ўмовамі надвор’я ўтрыманне ўзроўню кіслароду ў вадзе падае. Яно цягне за сабой зніжэнне і іншых рэчываў, якія змяшчаюцца ў вадзе, што дрэнна для водных жыхароў, — кажа намеснік начальніка Гродзенскай абласной інспекцыі аховы жывёльнага і расліннага свету Аляксандр Зінчанка.

Небяспечнымі для жыцця рыбы могуць стаць таксама багатыя дажджы пасля працяглай засухі: у ваду трапляе завісь, а значыць, і ўзровень кіслароду ў вадзе зноў памяншаецца.

Але сіноптыкі ў бліжэйшы час усё-ткі прагназуюць ападкі. Праўда, якімі яны будуць, казаць не бяруцца.

— Чакаем дажджы, але яны будуць насіць лакальны характар. Таму недзе, магчыма, пройдуць і багатыя дажджы, а недзе, можа, не ўпадзе ні кроплі. Ад гэтага і адштурхваемся. На воднасць рэк ўплывае тое, як у вярхоўях Нёмана пройдуць дажджы. Тады, адпаведна, узровень вады пачне павышацца і ў Нёмане, — кажа начальнік філіяла «Гроднааблгідрамет» Зміцер Скаскевіч.

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: