Работы па ўладкаванні веровачнага парку ў Швейцарскай даліне пачаліся 12 чэрвеня і ўжо да 3 ліпеня яны павінны скончыцца. Парк будзе сезонным і аб’яднае ў сабе скаладром, вяровачны гарадок з лесвіцамі і атракцыёнамі.

[irp posts="68 727″ name="Упраўленне архітэктуры забараніла будаваць скаладром у Швейцарскай даліне"]

Дырэктар фірмы, якая займаецца вяровачным паркам, Мікалай Паўлюкевіч раней казаў Hrodna.life, што сваёй прысутнасцю яны на сапсуюць любімае месца адпачынку гараджан у цэнтры Гродна.

«Швейцарскую даліну мы выбралі невыпадкова, бо гэта зона з выдатным рэльефам, дзе ёсць перапады вышынь і рака. Гістарычнае аблічча мы парушаць не будзем, ды і шкодзіць дрэвам таксама не збіраемся. Сусветная практыка паказвае, што такія вяровачныя паркі на дрэвы ніяк не ўплываюць. Добры прыклад у „Джунглі парку“ ў Пышках», — казаў Мікалай Паўлюкевіч.