Пасля шматлікіх скаргаў і публікацый у СМІ Гродзенскае ЖКГ часова прыпыніла высечку дубравы пад могілкі каля Путрышак. Пра гэта Hrodna.life паведаміў экаактывіст Яўген Філімонаў 8 чэрвеня. Зараз жыхары аграгарадка і эколагі заклікаюць улады правесці грамадскія слуханні з нагоды высечкі каштоўнага лесу і пашырэння могілак.

Ад сярэдзіны мая камунальнікі знішчылі 6,7 гектара дубравы з 24. Гэта першы этап работ па пашырэнню могілак. Новай тэрыторыі могілак хопіць на 1,5 года. Дзе будуць хаваць гараджан пасля асваення новай тэрыторыі, пакуль невядома. Менавіта таму жыхары аграгарадка і эколагі прапануюць уладам правесці грамадскія слуханні.


«Не хочам жыць ля могілак». Жыхары Путрышак супраць пашырэння «Аульса»


Частку дубравы яшчэ можна захаваць

Дубрава ля Путрышак з’яўлялася каханым месцам для шпацыраў і правядзення грамадскіх гулянняў жыхароў аграгарадка на працягу доўгіх гадоў. А таксама яна служыла адзіным зялёным шчытом, які засцерагаў людзей ад уздзеяння прамысловай зоны «Аульс» і «Гродна-Азот».

«Частку дубравы яшчэ можна захаваць. Мы лічым неабходным у такіх пытаннях, дзе закранаецца экалагічная бяспека людзей, абавязковае праводзіць грамадскія абмеркаванні, на якіх грамадзяне могуць атрымаць праўдзівую інфармацыю, выказаць уласнае меркаванне, а таксама паўплываць на сам праект, унёсшы ў яго свае канструктыўныя прапановы, — кажа старшыня экалагічнай арганізацыі „Экаманіторынг“ Яўген Філімонаў. — Гэта дазволіць пазбегнуць канфліктных сітуацый, а таксама забяспечыць законныя правы грамадзян.»

Эколагі і жыхары Путрышек прапануюць гарадскім уладам правесці грамадскія слуханні па трох наступных пытаннях:
1. Далейшае пашырэнне дзеючых могілак «Аўльс».
2. Выбар месца пад новыя могілкі.
3. Будаўніцтва крэматорыя і калумбарыя.

Каля Путрышак прыпынілі высечку дубравы пад могілкі. Актывісты прапануюць правесці грамадскія слуханні
Знішчаная дзеля пашырэння могілак частка дубравы

Патрэбен крэматорый

«Праблема перапоўненасці могілак вельмі бачная. Неабходна прымаць меры, каб не ўшчамляць інтарэсы ўсіх зацікаўленых бакоў, — дадае Яўген Філімонаў.

Яго меркаваннем, адной з магчымасцяў паўплываць на гэтую праблему будзе будаўніцтва крэматорыя і калумбарыя. Гэта зменьшыць плошчу, неабходную для пахаванніяў і таксама паменшыць забруджвання водных крыніц побач з могілкамі.

Эколаг лічыць, што будаўніцтва крэматорыя магло б паўплываць і на вялікую экалагічную праблему, звязаную з колькасцю штучных кветак, якія штогод прыносяць на могілкі людзі.


Штучная Радуніца: пластыкавыя кветкі на могілках перажывуць пахаваных на сотні год


Не ўсе ведаюць, што штучныя кветкі вылучаюць вялікую колькасць таксічных рэчываў, забруджваючы глебу, паветра, грунтавыя і павярхоўныя воды.


Стеклянная мебель, несмотря на свою хрупкость и изящество, пользуется большой популярностью. Если ваш любимый стеклянный столик или полка поцарапались или появились надколы, вам поможет восстановление стеклянных изделий компанией «Косаир». Больше информации тут https://kosair.com.ua/articles/polirovka-mebeli/. Вернем стеклянным изделиям первоначальную красоту