Навагрудак стаў 14-м горадам у Беларусі, для каторага адчаканілі спецыяльны «гарадскі» рубель. Афіцыйны рэліз манеты выйшаў напрыканцы мая. Выпуск «гарадскіх рублёў» ладзіцца ў межах праекта «113 гарадоў». Навагрудак стаў другім горадам нашага рэгіёна, адлюстраваным на манеце. Летась быў адчаканены рубель для Гродна.
На аверсе манеты ў цэнтры размяшчаецца Навагрудскі замак. Выява ўзята з гравюры «Выгляд замка ў Навагрудку на пачатку XVI стагоддзя». Над замкам размяшчаецца вялікае воблака, справа знаходзіцца гістарычны герб Навагрудка — фігура Архангела Міхаіла з мячом правай руцэ і шалямі ў левай, на «барочным» шчыце.
На рэверсе манеты размяшчаецца надпіс на беларускай мове «Рэспубліка Беларусь» у два радкі. Злева ад цэнтра — адзін з сімвалаў Беларусі - бусел.
На Навагрудскім рублі бусел трохі адрозніваецца ад тых, што былі на леташніх манетах. Аўтар вярнуўся да першапачатковай выявы бусла, які быў на «Уздзенскім рублі» (з «дзьмутымі» крыламі).
Справа і па цэнтры размяшчаецца схематычная карта Рэспублікі Беларусь з межамі абласцей. Пад буслам ідзе год чаканкі манеты — 2018.
Манета адліта з латуні, мае рубчасты гурт. Навагрудскі рубель чэканіцца тыражом 100 экзэмпляраў.
Усе манетыпраекта сувенірныя і не з’яўляюцца плацёжнымі сродкамі. Цікавасць да іх праяўляюць калекцыянеры, мясцовыя нумізматы і турысты.
Чэканіць «гарадскія» рублі і «вейшнорскія» талеры Валерый Сіманаў з Дзяржынска. Праз незвычайнае хобі ён імкнецца нагадаць пра цікавыя старонкі беларускай гісторыі жыхарам краіны і замежнікам. Набыць манеты можна праз групы праекта «113 гарадоў» у сацсетках.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…