У Беларусі будуць выкарыстоўваць дроны для дастаўкі пошты. Пра гэта расказаў міністр сувязі і інфарматызацыі Сяргей Папкоў на адкрыцці II Беларускага ІКТ-саміту.
«Гэта вельмі цікавы праект. Разбурэнне маста над Прыпяццю ўскладніла дастаўку паштовых адпраўленняў. Будзем кропкава, пры дастаўцы ў крытычныя месцы выкарыстоўваць такую паслугу,» — сказаў Сяргей Папкоў.
У прыклад міністр прывёў Казахстан — там пошту дастаўляюць ужо каля ста дронаў. Таксама ён нагадаў, што да канца 2020 года завершаць тэхналагічную мадэрнізацыю паслуг «Белпошты», піша БЕЛТА.
«Гэта пошта лагістыкі, інтэрнэт-гандлю, фінансавай сістэмы. Сёння яна ажыццяўляе ў тым ліку сацыяльную функцыю», — адзначыў Сяргей Папкоў.
[irp posts="62 026″ name="Гродзенскія электрыкі цяпер лятаюць: у «Гроднаэнерга» першымі ў Беларусі пачалі карыстацца дронамі для кантролю за аб’ектамі"]
