Здароўе і спорт

Гіоргі Кантарыя: «Галоўны трэнер „Іслачы“ абразіў мяне і маю радзіму»

Грузінскі абаронца гродзенскага «Нёмана» Гіоргі Кантарыя ў сваім інстаграм пакінуў запіс, у якім распавёў, што пасля фінальнага свістка ў матчы з «Іслаччу» галоўны трэнер суперніка Віталь Жукоўскі абразіў яго асабіста і яго радзіму.

Непрыемная сітуацыя адбылася ў канцы сустрэчы, калі ў гульнявым эпізодзе Кантарыя сышоўся з гульцом «Іслачы» Ігарам Халадзінскім, апошняму прыйшлося аказваць медыцынскую дапамогу. Галоўны трэнер Іслачы ўгледзеў у гэтым моманце наўмыснае парушэнне з боку абаронцы «Нёмана» і паляцеў высвятляць адносіны і пераходзіць на асобы. Пазней Віталь Жукоўскі прызнаўся ва ўласнай няправасці.

Але нягледзячы на ​​гэта Кантарыя распавёў своё бачанне сітуацыі:

«Я гулец футбольнага клуба «Нёман» — Гіоргі Кантарыя, і для мяне непрымальна, што мяне абвінавачваюць у збіцці футбаліста з ФК «Іслач». У тым эпізодзе маёй віны няма. Маюцца кадры, і я заклікаю паглядзець гэтыя кадры, дзе і праясніцца праўдзівая сітуацыя. Галоўны трэнер Віталь Жукоўскі абразіў мяне і маю радзіму. На мой погляд, ён павінен быў спачатку высветліць, што здарылася, а потым ужо даваць нейкія каментары. Пазней ён усё ж такі УСКОСНА прызнаўся ў памылцы ў дачыненні да мяне. Пры ўсёй маёй вялікай павагі да журналістаў прашу разабрацца ў сітуацыі, а потым пісаць артыкул пра мяне.

P. S. У заканчэнні хацелася б сказаць, што я ганаруся, што я грузін, вельмі люблю сваю радзіму і свой народ, але таксама хачу адзначыць і тое, што паважаю і люблю Беларусь.

Гульцу Халадзінскаму жадаю хутчэйшага выздараўлення!" — напісаў Кантарыя.

Нагадаем, «Нёман» у Мінску ў гэты дзень абыграў «Іслач» з лікам 2:1.

21- гадовы Гіоргі Кантарыя выступае за «Нёман» з 2017 года. У першым сваім сезоне за гродзенскі клуб грузінскі абаронца адыграў вельмі надзейна. З першых матчаў Гіоргі спадабаўся аматарам футбола за сваю смелую і самаадданую гульню ў цэнтры абароны. Пасля заканчэння чэмпіянату гулец быў прызнаны заўзятарамі «Нёмана» лепшым гульцом сезона 2017 года. Футбаліст і у 2018 годзе працягвае паказваць добры футбол са свайго боку.

Падзяліцца

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025