Зрабі «Сэлфі з анёлам» і атрымай падарунак

Ад 4 да 24 мая праект «Анёлы над горадам» і партал Hrodna.life ладзяць конкурс «Сэлфі з анёламі». Мэта гэтай акцыі - падтрымаць вяртанне ў горад яго самых старажытных анёлаў. Тых, што трымаюць каралеўскі герб на першай праўдзівай выяве Гродна — гравюры Ё. Адэльгаўзера і М. Цюнта. Проста зрабі сэлфі з любым з гарадскіх анёлаў і атрымай дызайнерскую налепку. Паспяшайцеся: першыя 24 удзельнікі у дадатак да налепак атрымаюць стылёвы магніт з анёламі. А таго, чыё анёльскае сэлфі назбірае найбольш падабаек, чакае адмысловы падарунак!

Сустрэць у Гродне анёла не складана. Іх выявы ў горадзе — даніна еўрапейскай традыцыі, а наш горад па праву лічаць адным з самых еўрапейскіх гарадоў Беларусі.

Анёлы ў Гродне месцяцца на сценах, вежах і брамах горада, яны хаваюцца паміж старонкамі кніг ці ўпрыгожваюць палічкі кватэр. Іх шмат, але анёлаў многа не бывае!

Тое, што хутка ў горад вернуцца і анёлы з гравюры Ё. Адэльгаўзера і М. Цюнта — наша агульнае дасягненне. То прывітайма анёлаў сваімі гасціннымі сэлфі!

[irp posts="59 733″ name="Рэдкая гравюра Гродна будзе і ў Беларусі. Грошы на праект сабралі за 13 дзён"]


Каб узяць удзел у акцыі «Сэлфі з анёлам» проста дадайце свой здымак з анёлам на ўласную старонку ў сацыяльных сетках і пазначце яго хэштэгам #анёлынадгорадам і #hrodnalife. Анёлам на здымку можа быць скульптура, малюнак, цацка — на ваш выбар.


Усе ўдзельнікі акцыі атрымаюць стылёвыя налепкі «Анёлы над горадам». Забраць іх можна будзе ў краме «Цудоўня» па адрасу Кірава, 3.

Аўтару здымка, які набярэ найбольш падабаек на 24.00 24 мая, арганізатары акцыі падораць адмысловы падарунак

Дапаможам анёлам узняцца над каралеўскім Гродна!

Натхненне і падказкі шукайце ў здымках артыкула, на вуліцах горада, на старонках кніг і ў сваіх сэрцах.

Падтрымаць праект «Анёлы над горадам» фінансава і атрымаць унікальную каляровую выяву старога Гродна 102×36 см можна па спасылцы.

Падзяліцца

Апошнія запісы

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025