Конкурс прыгажосці «Міс Беларусь — 2018» прайшоў 4 мая на сцэне мінскага Палаца спорту. Карона першай прыгажуні краіны дасталася мінчанцы Марыі Васілевіч, гродзенка Маргарыта Мартынава стала Першай віцэ-міс і атрымала буйны грашовы прыз.
Уладальніцы тытула «Міс Беларусь — 2018» уручылі пераходную карону з белага золата, фіянітаў і тапазаў, 12 250 рублёў і пазадарожнік Geely Atlas.
Буйныя грашовыя прызы атрымалі таксама першая і другая віцэ-міс.
Першая віцэ-міс — 22-гадовая Маргарыта Мартынава, якая родам са Слоніму. Апошнія гады дзяўчына жыве ў Гродне і вучыцца ва ўніверсітэце імя Купалы. Дарэчы, у Маргарыты ўжо ёсць тытул «Міс Гродна — 2017».
Яшчэ адну гродзенку Караліну Барысевіч адзначылі на конкурсе — паводле рашэння журы яна атрымала тытул «Міс фота».
