Акунуцца ў феерверк фарбаў і надоўга зачаравацца кожнай рэччу маглі наведвальнікі выставы лямцавання Алены Вітко 25 красавіка. Яе вырабы — фантазійныя капялюшыкі, сумкі, шалі, упрыгожванні і адзенне. Зроблена ўсё з натуральнай беларускай воўны.
Дызайнерка кажа, што заўжды імкнецца дарыць радасць прыхільнікам творчасці.
«Хачацца, каб вакол нас была прыгажосць. І хочацца пажадаць жанчынам больш смеласці. На маю думку, калі ты выдзяляешся з натоўпу, гэта падымае настрой».
Працы Алены Вітко называлі «вельмі фантазійнымі «і нават «чыстым экспрэсіянізмам». Для іх стварэння аўтарка выкарыстоўвае беларускую воўну са Слонімскай камвольнай фабрыкі. Алена распавяла, што яе рэчы носяць не толькі ў Гродне і не толькі ў штодзенных сітуацыях. Некалькі паліто ад гродзенскай дызайнеркі паехалі ў Францыю, капялюшыкі часта набываюць турысткі з Прыбалтыкі, а адна з сумачак паехала нават у Новую Зеландыю. Сталым замоўцам капялюшыкаў стаў і Гродзенскі драмтэатр. Капялюшыкі майстаркі «іграюць» ужо ў чатырох спектаклях.
Найбольш цікавіла наведвальніц устойлівасць чыстай воўны да захоўвання і чысткі:
— Ці не з’есць іх моль?
— За пяць гадоў працы моль не папсавала ніводнай рэчы. Мабыць, нават яна цэніць мастацтва.
Пабачыць выставу можна цягам некалькіх тыдняў. Таксама можна запісацца на аўтарскія курсы па лямцаванні. Іх Алена Вітко праводзіць у Цэнтры рамёстваў.
У траўні на даху комплексу «Бровар Гродна» з'явіўся флюгер. Пры рэстаўрацыі гродзенскага піўзавода інвестару было…
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…