Навіны

Ёсць веласцежкі і паасобны збор смецця. Прадстаўнікі «Europe on Track» ацанілі экапрыязнасць Гродна

Экалогія і змяненне клімату — сёлетняя тэма ў амбасадараў праекта «Europe on Track», якія 19 і 20 красавіка наведалі Гродна. Замежнікі правялі дыскусіі і воркошопы з мясцовымі студэнтамі і школьнікамі.

«Europe on Track» гэта моладзевы праект, у рамках якога дзевяць маладых людзей, падзяліўшыся на тры каманды, праязджаюць усю Еўропу за адзін месяц. Гродна ўпершыню трапіў у маршрут праекта ў 2017 годзе. Сёлета ў горад таксама прыехала каманда з трох чалавек: Алеанор з Бельгіі, Мары са Швейцарыі і Івета з Балгарыі. Усе члены каманды з’яўляюцца маладымі лідарамі, экалагічнымі актывістамі, падарожнікамі, а таксама вопытнымі спікерамі. Гродна для іх — завяршальны пункт падарожжа.

Па шляху перамяшчэння па Еўропе ўдзельнікі бяруць інтэрв'ю, праводзяць апытанні, вядуць фота і відэаблог, праводзяць майстар-класы, дыскусіі і іншыя мерапрыемствы.

У Гродне паслы закранулі тэму глабальных экалагічных праблем і шляхоў іх вырашэння.

Для Hrodna.life яны падзяліліся ўражаннямі ад горада. Распавядае Мары са Швейцарыі:

«Мы заўважылі, што Гродна сапраўды зялёны і сцежкі для ровараў тут ёсць. Гэта дае магчымасць выкарыстоўваць экалагічны транспарт. Таксама мы заўважылі, што ў горадзе ёсць кантэйнеры для паасобнага збору смецця. Усё гэта радуе. Бачна, што горад развіваецца ў гэтым напрамку. У параўнанні з іншымі еўрапейскімі гарадамі, дзе нам давялося пабываць падчас паездкі, у Гродне яшчэ больш-менш добра з гэтым. Бо не ва ўсіх гарадах былі веласцежкі і кантэйнеры».

Пры гэтым прадстаўнікі «Europe on track» звярнулі ўвагу, што таго, што ўжо робіцца для экалогіі ў Гродне, яшчэ недастаткова — ёсць да чаго імкнуцца.

Падзяліцца
Меткі: экалогія

Апошнія запісы

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025