У Гродне ўсталёўваюць паркоўкі з поліэтыленавых пакетаў

У Гродне ўсталёўваюць экапаркоўку з дэталямі перапрацаваных матэрыялаў. Асновай для фігурнай пліткі сталі пясок і звычайныя поліэтыленавыя пакеты, якія гродзенцы выкінулі ў сметніцы.

Для двух пляцовак спатрэбілася прыкладна 200 метраў квадратнай пліткі, зрабілі яе на мясцовым гродзенскім заводзе па ўтылізацыі і механічным сартаванні адходаў, піша Іна Максімчык, «Зялёны партал».

— Тэхналогія будаўніцтва экапаркоўкі даволі простая. Спачатку фармуюць і ўтрамбоўваюць пляцоўку, затым усталёўваюць газонные бардзюры, укладваюць фігурную плітку, у полыя нішы засыпаюць грунт і высаджваюць газонную траву, — распавёў галоўны інжынер УЖРЭП Кастрычніцкага раёна Аляксей Бодзіч.

У Мінску даўно практыкуюць такія паркоўкі і ўжо абазначылі праблемы. Перш за ўсё, гэта трава, якая патрабуе паліву і догляду, інакш зялёны дыван ператвараецца ў брудную анучу. Часта менавіта такія паркоўкі ладзяць жыхары дамоў за свой кошт, але далейшы догляд для іх праблематычны. У Гродне даглядаць за паверхняй будуць спецыялісты камунальных службаў.

Вонкава экапаркоўка нагадвае плямісты газон, аднак паверхня трывалая і лёгка вытрымлівае вагу аўтамабіля. Пляцоўкі-блізняты ў Ленінскім (праспект Будаўнікоў) і Кастрычніцкім (вул. В. Соламавай) раёнах ужо падрыхтаваны, у абодвух выпадках побач знаходзяцца дзіцячыя сады, а самі паркоўкі злёгку «зрэзалі» натуральную зялёную зону.

Сёння ўстаноўка па вытворчасці палімерна-пяшчанай прадукцыі на гродзенскім смеццеперапрацоўчым заводзе загружаная мясцовымі адходамі.

— Дзіўна, але мы ўжо можам сказаць, што гродзенцы сталі актыўна падзяляць смецце. Ва ўсякім выпадку складаюць пластык да пластыку, — кажа дырэктар гродзенскага завода па ўтылізацыі і механічнай сартаванні адходаў Вячаслаў Андрэеўскі.

Кожны тыдзень з Гродна на завод у Магілёве вывозяць на перапрацоўку 40 тон адсартаваных пэт-бутэлек, а не патрэбны нікому раней «хрумсткі» поліэтылен ляжа пад ногі гараджанам, не толькі фігурнай газонной, але і тратуарнай пліткай. Ужо выпусцілі больш за 1000 квадратаў.

Такія паркоўкі назваць экалагічнымі можна ўмоўна: пад імі верагодна не будзе расці зеляніна, а ўсё шкоднае з аўто будзе сцякаць у грунт. Паглядзім, як будзе ісці справа на практыцы.

Экапаркоўка ў Мінску


Не знаете где провести майские праздники? А как насчет отдыха у моря? К примеру, отдых в Бердянске. Пляжи, песочек, ласковое солнце. Прекрасное место для вашего семейного отдыха.


Падзяліцца

Апошнія запісы

«Будзе капаць на галовы» — што гродзенцы думаюць пра новыя кветкавыя аркі на Савецкай

Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…

24 красавіка 2025

Студэнта з Гродна будуць судзіць за паведамленні ў «Беларускі Гаюн»

Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…

24 красавіка 2025

Цэгла са слядамі пальцаў, найстарэйшая свідравіна Гродна і двор для мерапрыемстваў. Якім стане комплекс былога піўзавода Brovar Hrodna

«Такіх месцаў і ў свеце не так многа, а ў Беларусі нічога падобнага проста няма», —…

24 красавіка 2025

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025