Дадаць навіну
Аўторак, 16 кастрычніка 2018, 20:51

На Карла Маркса адкрылася “Гарадзенская кавярня”

Установа з беларускай назвай “Гарадзенская кавярня” пачала працу ў тэставым рэжыме 18 красавіка. Кавярня знаходзіцца на вуліцы Маркса, 5, насупраць Фарнага касцёла. Уладальнікі паўгода рыхтавалі памяшканне.

“Гарадзенская кавярня” гэта ўтульная прастора ў гістарычнай частцы горада, дзе можна выпіць гарачыя і алкагольныя напоі. Ёсць у меню і свежая выпечка. Інтэр’ер ўстановы выкананы ў расслабляючым стылі. Уладальнікі пастараліся стварыць яго такім, каб госці забывалі пра час. Менавіта таму ў інтэр’еры выкарыстоўваецца шмат гадзіннікаў, якія спыніліся.

Час працы:
НД-ЧЦ з 10.00 – 23.00
ПТ-СБ з 10.00 – 00.00

Гістарычная даведка

Двухпавярховая камяніца па адрасе Карла Маркса №5 была пабудавана ў 1870 годзе і вядомая як дом Касцялкоўскіх. Тут у свой час жыў вядомы гісторык, прафесар Віленскага ўніверсітэта Станіслаў Касцялкоўскі – даследчык жыцця і дзейнасці Антонія Тызенгаўза. У суседнім доме №7, які таксама быў пабудаваны ў 1870 годзе, на пачатку ХХ стагоддзя размяшчаўся гатэль «Кіеўскі», затым «Венскі», а ў 1920-я гады знаходзіліся «Польскі гандлёвы дом” і кандытарская «Міхаіл Рацкі і сыны».

Калі вы знайшлі ў тэксце памылку або абдрукоўку, калі ласка, паведаміце нам, выбраўшы адпаведны фрагмент і націснуўшы клавішы Ctrl+Enter.

comments powered by HyperComments

Раім пачытаць

Каментары

Spelling error report

The following text will be sent to our editors: