На вуліцы Горкага ў Гродне ў тэставым рэжыме працуе дыскабар «Бардак». Ён адкрыўся ў пятніцу 13 красавіка. Інтэр'ер выкананы ў стылі лофт, бар разлічаны на 250 чалавек, з іх для 70 ёсць пасадкавыя месцы.
«Мы пастараліся адкрыць у Гродне нешта новае, дзе можна не толькі прыйсці і адпачыць, але і даць магчымасць разгуляцца фантазіі, — распавядае Анастасія, адна з уладальнікаў установы. — Мы даем магчымасць кліентам патанчыць на бочках, сталах, папаліць кальян у ванне і пакатацца на арэлях. Мы хочам, каб людзі ў нас расслабляліся.
Вядома, адпачынак павінен быць у рамках разумнага. За ўсім, што адбываецца, будзе сачыць ахова, якая таксама можа адпачываць разам з кліентамі».
Плануецца, што ва ўстанове будуць праходзіць розныя гульні. Пакуль асноўныя — «Мафія» і «Пацучыныя бегі». Таксама бар можа стаць пляцоўкай для пачынаючых музыкаў і артыстаў.
«„Бардак“ — гэта не толькі незвычайная атмасфера. Мы прапануем вялікі выбар кактэйляў, каву на пяску, гарачыя і халодныя закускі. Што тычыцца музыкі, то мы зараз супрацоўнічаем з мінскімі дыджэямі і плануем, што яны будуць у нас выступаць на пастаяннай аснове. Гэта наш невялікі эксклюзіў. Таксама мы адкрытыя для ўсіх прапаноў і навінак», — дадала Анастасія.
Побач з дыскабарам хутка адкрыецца летняе кафэ з вулічным кінатэатрам.
Час працы ўстановы: з 18.00 і да апошняга кліента.
З 5 красавіка ў Гродне талоны на праезд у гарадскім грамадскім транспарце даражэюць на 10…
У Гродне на Віленскай, 37 адкрыўся новы буцік-гатэль і рэстаран The Cult - і выклікаў…
Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…
На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…
Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…
Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…