Здароўе і спорт

Перапалох у заапарку: у Гродне праходзіць Кубак па спартыўным арыентаванні

Больш за 500 спартсменаў і аматараў з 14 красавіка з’ехаліся ў горад над Нёманам, каб праверыць свае сілы ў адкрытым Кубку Гродна па спартыўным арыентаванні. У спаборніцтвах, якія праводзяцца ў 41-ы раз, удзельнічаюць прадстаўнікі Беларусі, Расіі, Літвы, Малдовы, Украіны і іншых краін.

Стартаваў Кубак 14 красавіка ў раёне вёскі Прыгодзічы, дзе ёсць круты рэльеф. На другі дзень спаборніцтвы праходзілі на тэрыторыі заапарка — гэта быў гарадскі спрынт. На трэці дзень спартсмены будуць спаборнічаць на сярэдняй дыстанцыі па хваёвым лесе ў раёне шлюза Дамброўка. Заключны дзень таксама там пройдзе — ён будзе ўключаць у сябе этап на класічнай трасе.

«У гэтым годзе нашы спаборніцтвы сабралі каля 500 удзельнікаў, якія прадстаўляюць шэсць краін. Кожны дзень колькасць удзельнікаў мяняецца. Больш за ўсё прадстаўнікоў з Беларусі і Расіі, — распавядае галоўны суддзя спаборніцтваў Эдвард Ародзь. — У гэтым годзе мы вырашылі дадаць у спаборніцтвы ўнікальную мясцовасць у цэнтры Гродна — заапарк са сваімі масткамі і лабірынтамі. Мы не маглі не скарыстацца такой магчымасцю. Этап цікавы, але і складаны».

Узрост удзельнікаў адкрытага Кубка Гродна ад 3 і за 80 гадоў.

Даведка

Кубак па спартыўным арыентаванні праводзіцца ў Гродне з 1979 года. З таго часу ўзровень турніру моцна вырас і кожны год Кубак наведваюць прадстаўнікі розных краін. Апошнія гады вынікі гродзенскіх спаборніцтваў ідуць у залік сусветнага рэйтынгу спартыўнага арыентавання.

Фота з этапу, які праходзіў у заапарку:

Падзяліцца
Меткі: спортхобі

Апошнія запісы

Нерухомасць тыдня: на Дзевятоўцы прадаюць кватэру з чарапашкамі-ніндзя і аб’ёмнай картай свету на сцяне

На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…

4 красавіка 2025

Лакацыі паводле фільмаў пра вайну, парад і ўзяцце Тэкстыльшчыкаў замест Рэйхстага. Што плануюць у Гродне на 9 траўня?

У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…

4 красавіка 2025

У Гродне падаражэў праезд у гарадскім транспарце — і на прыгарадных маршрутах

З 5 красавіка ў Гродне талоны на праезд у гарадскім грамадскім транспарце даражэюць на 10…

4 красавіка 2025

«Інтэр'еры з Pinterest» і «цэны як у Венецыі». У Гродне адкрылі буцік-гатэль The Cult на месцы знесенага гістарычнага будынка

У Гродне на Віленскай, 37 адкрыўся новы буцік-гатэль і рэстаран The Cult - і выклікаў…

2 красавіка 2025

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025