Напярэдадні новага сезона 31-гадовы паўабаронца гродзенскага «Нёмана» Філіп Рудзік на трэніроўцы атрымаў сур’ёзную траўму — разрыў ахілава сухажылля і як мяркуецца, выбыў на паўгода.
Футбаліст 22 сакавіка ў свой дзень нараджэння ужо перанёс аперацыю і працэс аднаўлення зойме мінімум 6 месяцаў.
https://www.instagram.com/p/Bgod8WUjRCQ/?taken-by=fcneman
Нагадаем, у пятніцу 23 сакавіка ў забаўляльным цэнтры «Галактыка» (вул. Лідская, 1) пройдзе
сустрэча каманды «Нёман» з заўзятарамі. Запрашаюцца ўсе жадаючыя на 18:00.
24 сакавіка «Нёман» правядзе апошні таварыскі матч міжсезоння. Супернікам стане дзеючы чэмпіён Літвы — «Судува» з Марыямпале. Матч пройдзе на пляцоўцы літоўцаў - у футбольным манежы «Арві» і пачнецца ў 18:00 па беларускім часе (17:00 па літоўскім).
А ўжо 30 сакавіка «Нёман» дасць старт у чэмпіянаце Беларусі і ў Гродне будзе прымаць"Віцебск". Пачатак матчу ў 19:30.