У Літве гандляры не могуць вызначыцца, ці працаваць у выходныя

У маі гандлёвыя цэнтры Літвы будуць вырашаць, ці працаваць у выходныя дні. Яны збіраюцца правесці апытанне сярод работнікаў і кліентаў.

У парламенце ўжо не раз прадстаўлялі законы пра абмежаванне работы гандлёвых цэнтраў у святочныя дні. У 2016 годзе прапаноўвалі ўнесці ў Працоўны кодэкс забарону на працу крам 1 студзеня, 16 лютага, 11 сакавіка, 6 ліпеня, а таксама ў першы дзень Каляд і Вялікадня, піша ru.delfi.lt.

Пакуль гэта рашэнне не прымалі, бо не хапала дадзеных. Ніхто не хацеў кіравацца эмоцыямі і неабгрунтаванымі заявамі. «Мы дамовіліся сабраць больш дадзеных, паглыбіцца ў чаканні пакупнікоў і спажыўцоў, у патрэбы работнікаў і вярнуцца да гэтага пытання ў маі», — сказаў прэзідэнт Літоўскай канфедэрацыі бізнесу Валдас Суткус.

[irp posts="53 410″ name="Забароненая нядзеля. Рэпартаж з закрытага Беластока"]

Гендырэктар кампаніі Maxima.lt Крысціна Мейдэ падкрэсліла, што калі работнікі пажадаюць не працаваць у святы, то сетка ўлічыць гэта. «Я б хацела правесці апытанне, паколькі ёсць гістарычныя дадзеныя, яны маглі змяніцца», — сказала Мейдэ.

Не на ўзроўні закона, а на ўзроўні сацыяльнай дамоўленасці

Міністр сацыяльнай абароны і працы Лінас Кукурайціс падкрэсліў, што рашэнне хочуць прыняць не на ўзроўні закона, а на ўзроўні сацыяльнай дамоўленасці.

«Мы запрашаем да сацыяльнага дыялогу, да шляху перамоваў, без рэгулявання, не праз закон ісці да стандарту дабрабыту, як на Захадзе. Працэс ужо праходзіць, частка ГЦ ужо зараз не працуе ў святы, частка скарачае час працы», — сказаў ён.

Суткус сказаў, што трэба падлічыць, якімі будуць страты бюджэту, калі гандаль па нядзелях забароняць. Па словах выканаўчага дырэктара Літоўскай асацыяцыі гандлёвых кампаній Лаўрынаса Вілімаса, страты непазбежна складуць мільёны.

У Польшчы гандляваць па нядзелях забаранілі з 1 сакавіка. Гандлёвым цэнтрам і супермаркетам можна працаваць толькі ў першую і апошнюю нядзелю месяца. Са студзеня 2019 года гандаль дазволяць толькі ў апошнюю нядзелю месяца. А ў 2020 годзе нядзельны гандаль забароняць цалкам. Крамам дазволяць працаваць чатыры нядзелі ў годзе, а таксама перад Калядамі і Вялікаднем. Зараз гандлёвыя цэнтры і супермаркеты ў Польшчы закрытыя толькі ў афіцыйныя святочныя дні.

[irp posts="52 847″ name="Польскія крамы знайшлі спосаб абыйсці забарону на гандаль па нядзелях"]