У Гродне мужчына пабіў двух таксістаў і пашкодзіў іх аўтамабілі

У Гродне мужчына напаў у двары на таксістаў і пашкодзіў іх аўтамабілі.  

Ноччу ў святочныя выходныя 39-гадовы кіроўца таксі прыехаў на выклік. З пад’езда выбег нецвярозы мужчына і пачаў біць па аўтамабілі «Volkswagen Polo». Таксіст выйшаў, каб абараніць аўто, але зламыснік накінуўся і на яго. Кіроўца змог заскочыць у машыну і трохі ад’ехаць.

На дапамогу калегу прыехаў іншы таксіст. Ён зрабіў хулігану заўвагу, але той збіў кіроўцу, пашкодзіў яго «Renault Logan» і ўцёк, паведамляе УУС Гродзенскага аблвыканкама.

Зламысніку аказалася 26 гадоў. Раней ён быў судзімы за «Хуліганства» і «Незаконны абарот наркатычных сродкаў, псіхатропных рэчываў, іх прэкурсораў і аналагаў».

comments powered by HyperComments

Раім пачытаць

Каментары

Spelling error report

The following text will be sent to our editors: