У апошні дзень каляндарнай зімы, 28 лютага, на М6 ў Іўеўскім раёне сутыкнуліся два вялікагрузы. Адна фура апынулася ў кювеце, а другая засталася на дарозе. Аўтамабілі практычна перакрылі ўсю праезную частку, таму рух быў арганізаваны па недабудаванай сустрэчнай паласе.

Чытачы «АўтаГродна» паведамлялі, што некалькі гадзін аўтамабілі праязджалі гэта месца вельмі павольна, з хуткасцю 30−40 км/г.

— Потым яшчэ з дзясятак кіламетраў ніхто і не спрабаваў нікога абганяць, — кажа Яўген, які рухаўся ў бок Гродна.

Паміж фурамі, якія сутыкнуліся, вельмі акуратна праехаць можна было. Некаторыя кіроўцы так і рабілі.

Мяркуюць, адбылося спадарожнае сутыкненне велікагрузаў. Вядома, што людзі ў аварыі не пацярпелі.

На М6 сутыкнуліся дзве фуры, заблакаваўшы рух. Транспарт пусцілі па недабудаванай сустрэчцы

www.youtube.com/watch?v=RIRz0CgK5p0