У доме футбола ў панядзелак 26 лютага прайшла жараб’ёўка чэмпіянату Беларусі ў Вышэйшай лізе сезона-2018 года. Паводле лёсавання гродзенскі «Нёман» правядзе свой першы матч у Гродне і будзе прымаць «Віцебск».
Першы тур у Гродне пройдзе прыкладна 30,31 сакавіка ці 1 красавіка. А ў другім туры каманда Ігара Кавалевіча адправіцца ў «Слуцк», дзе памераецца сіламі з мясцовай камандай. Гульня пройдзе 6−8 красавіка.
Першы круг чэмпіянату Беларусі ў Вышэйшай лізе сезона-2018 года выглядае наступным чынам:
1. «Нёман" — «Віцебск»
2. «Слуцк» — «Нёман»
3. «Нёман» — «Дняпро"(Магілёў)
4. «Крумкачы» (Мінск) / Тарпеда (Мінск) — «Нёман»
5. «Нёман» — «Дынама» (Мінск)
6. «Іслач» (Мінскі раён) — «Нёман»
7. «Нёман» — «Гарадзея»
8. «Гомель» — «Нёман»
9. «Нёман» — «Тарпеда-БелАЗ» (Жодзіна)
10."Нёман» — «Шахцёр» (Салігорск)
11. «Прамень» (Мінск) — «Нёман»
12. «Нёман» — БАТЭ (Барысаў)
13. «Смалявічы» — «Нёман»
14. Нёман — «Мінск»
15. «Дынама» (Брэст) — «Нёман»
Плануецца, што свой першы афіцыйны матч у 2018 годзе «Нёман» правядзе ў Кубку Беларусі. 11 сакавіка гродзенская каманда ў Мінску павінна будзе сустрэцца з «Крумкачамi». Але варта адзначыць, што мінская каманда не прайшла яшчэ ліцэнзаванне і яе ўдзел у 2018 годзе пад пытаннем. У выпадку, калі пытанне з «Крумкачамi» не будзе вырашана да кубкавай сустрэчы, «Нёман» у наступны раўнд (паўфінал) праходзіць аўтаматычна.
