Міні-кольцы замест традыцыйных скрыжаванняў і двары без машын плануюць ствараць у новых спальных раёнах Гродна, піша БЕЛТА. Першыя кальцавыя скрыжаванні з’явяцца ў раёне вуліцы Лідскай.
«Гэта спосаб знізіць хуткасць, супакоіць рух, не прымяняючы штучныя няроўнасці», — адзначыў Уладзімір Назарка, начальнік упраўлення ДАІ УУС Гродзенскага аблвыканкама. Міні-кольцы не раз даказвалі сваю эфектыўнасць.
У якасці прыкладу начальнік ДАІ прывёў выезд з Гродна ў раёне Паўднёвага рынку. Небяспечнае скрыжаванне, дзе часта адбываліся аварыі, замянілі на кальцо — і праблемы не стала.
Таксама ў новых жылых раёнах плануюць рэалізаваць канцэпцыю двара без машын, дзе ўся прыдамавая тэрыторыя будзе аддадзена пешаходам, а паркоўкі вынесены за межы двара.
У 2018 годзе зменяць амаль 50 пешаходных пераходаў: частка з іх будзе дадаткова падсвечана, частка абсталявана штучнымі няроўнасцямі, заменяць дарожныя знакі. Прыбяруць пераходы, якімі не карыстаюцца, небяспечныя зебры, побач з якімі ёсць больш бяспечныя варыянты перасячэння дарогі.
Новыя святлафоры з’явяцца на пешаходных пераходах па вуліцы Горкага каля кальцавога скрыжавання з бульварам Ленінскага Камсамола і вуліцай Дубко, а таксама на аварыйна-небяспечным пераходзе па вуліцы Паповіча.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…